Skodunarferdin o.fl.

Gaerdagurinn var algjor letidagur. Vid svafum bara ut og roltum eitthvad herna um. Thad rigndi reyndar svolitid thannig ad hluti dagsins for i ad sitja einhvers stadar innandyra med drykk og horfa a rigninguna. Svosum oskop notalegt! Svo for eg bara aftur i nudd og vid forum lika i fyrstu matun hja klaedskeranum. Thetta litur allt virkilega vel ut, Eg bad hann reyndar ad hafa pilsid adeins threngra, madur er med bjorvomb a haesta stigi nuna - eg aetla nefnilega ad verda svo mjo i vetur! (Alltaf sama bjartsynin!).

I morgun voknudum vid svo snemma til ad hitta bilstjorann okkar, Mr. Mor, sem kom og sotti okkur kl. 9. Vid letum hann bara um a rada ferdinni og keyrdi hann okkur um sudurhluta eyjunnar til ad skoda hitt og thetta. Vid forum a mjog flotta utsynisstadi thar sem sast yfir strendurnar her i kring. Vid stoppudum a Kata View Point (gaman hvad allt heitir Kata eitthvad herna!) thar sem var einmitt utsyni yfir Kata Beach og Karon Beach. Vid gerdumst lika aegilega heilog en Mr. Mor for med okkur ad skoda risastoran buddha sem er verid ad smida i tilefni attraedisafmaelis kongsins. Hann er stadsettur a fjallstoppi og er 45 m har og 25 m breidur (Buddhinn, ekki kongurinn)! Hann er tho enn i byggingu og verdur thad allavega 1-2 ar i vidbot en thad hefur tekid 3 ar ad byggja thad sem er komid ef eg hef skilid thetta rett. Svo er svona minni gylltur buddha vid hlidina sem var byggdur handa drottningunni thegar hun vard 75 ara. Vid stora buddhann gat madur sidan gefid smapening og fengid ad oska ser heil oskop. Ekki nog med thad heldur fengum vid lika blessun munks sem gaf okkur banana og armbond eftir ad vid vorum buin ad hneigja okkur. Eg bordadi einmitt einn bananann adan og er ekki fra thvi ad hann hafi gefid mer sma orku...

Sidan skodudum vid fleiri buddha en vid forum ad mjog fallegu hofi i Chalong. Thar helt heilagur andi afram ad hellast yfir okkur og okkur leid bara ordid mjog vel:) Vid budum sidan Mr. Mor i hadegismat a mjog finum stad med utsyni yfir Phuket Town. Thar var mjog godur matur - eda svo fannst okkur thar til Joi beit i kjuklingaspjot sem var ekki alveg fulleldad. Thar med for matarlystin eiginlega... sem var synd thvi maturinn var godur a bragdid. Vid vonum bara ad heppnin verdi med okkur eftir allar thessar heimsoknir i buddhahof og vid faum ekki i magann...

Vid endudum daginn a thvi ad kikja i verslunarmidstod i Phuket Town thar sem vid gatum adeins verslad en sidan voru lappirnar ordnar threyttar og vid buin ad sja thad helsta a svaedinu svo vid forum bara a hotelid og kaeldum okkur i sundlauginni. Thad var nefnilega rosa gott vedur, sol og fineri. Eg meira ad segja vard sma raud a oxlunum thennan stutta tima sem eg var uti i solinni. Svo er bara ad vona ad vedrid verdi gott a morgun en tha er stefnt ad batsferd. Sjorinn er haegari austanmegin a eyjunni en thar sem vid erum thannig ad oldugangurinn aetti ad verda litill.

Dagur tvo

Mikid var eg fegin ad geta sofid i nott! Og thad i ruma niu tima. Thad var sko langthradur svefn. Morgunmaturinn a hotelinu er ofsalega godur. Haegt er ad velja um allt mogulegt, kornfleks, croissant, braud, beikon og egg, bakadar baunir, ameriskar ponnukokur og tailenskar nudlur svo eitthvad se nefnt! Fyrsta verk dagsins var ad fara i nudd og lata nudda ur ser ferdathreytuna. Her beint a moti hotelinu er nuddstofa og fekk eg thar klukkutima heilnudd fyrir heilar 700 kronur:) Eg aetla svo ad profa thai massage a morgun, thetta var bara venjulegt oliunudd. Svo gerir madur thetta a hverjum degi...

Ad loknum hadegismat forum vid til klaedskera til ad lata maela fyrir fotum a okkur. Joi aetlar ad lata sauma a sig tvenn kashmir ullarjakkafot og skyrtu en eg laet sauma a mig kjol ur silkiblondu og pilsdragt, pils og jakka (graent audvitad!). Madur er bara kominn med jolakjolinn nu thegar!

Vedrid i dag er buid ad vera frabaert. Naestum thvi sol (samt mest skyjad), 30 stiga hiti og gola. Thad vaeri alltof heitt ef thad vaeri heidskirt svo ad vid erum alsael med thad.

Nu erum vid ad gera okkur klar fyrir kvoldmatinn. Vid erum enn halfferdaluin en thad hlytur ad fara ad lagast. Morgundagurinn verdur tekinn i slokun en svo forum vid i dagserd med bilstjora a midvikudaginn sem verdur spennandi. A fimmtudaginn aetlum vid svo i siglingu svo ad thad er nog framundan!

Thid afsakid svo stafsetningarvillurnar, thad er svolitid erfitt ad skrifa a apple lyklabord med engum islenskum stofum uppi i rumi!

Komin Til Tailands!

Tha erum vid loksins komin a leidarenda. Ferdalagid gekk mjog vel og var allt a tima. Vid voknudum alveg ogedslega myglud klukkan thrju adfararnott laugardags og heldum af stad stuttu seinna. Komum i Leifssod um fimm og thar fekk eg mer svaka godan morgunmat. Flugid var sem sagt a rettum tima svo ad thar var thungu fargi af fokkur lett. Vid hefdum verid i ansi vondum malum ef thad hefdi ordid einhver seinkun. Nujaeja, stoppudum adeins a Kastrup og fengum okkur bjor og samloku og forum svo i adalflugid. Thad var thessi lika risathota sem vid forum i, rosa fin med nogu plassi fyrir lappirnar a manni, sem var eins gott thvi ad alltaf var verid ad segja manni ad hreyfa thaer til... Thar leid timinn og beid og ekki svaf eg mikid eins og eg aetladi aldeilis ad gera. Eg var buin ad adkveda ad reyna ad sofna vel eftir matinn. Maturinn sem var borinn fram tharna var meirihattar. Haegt var ad velja um nautakjot eda kjuklingakarri og voldum vid sitt hvora tegundina og vorum mjog anaegd. Svo tok eg halfa svefntoflu til ad sofna, reyndi a dkoma mer agaetlega fyrir og eftir sma fotaoeirdir fannst mer eg geta sofnad. Og juju, eg sofnadi adeins en thegar eg vaknadi aftur voru adeins thrju korter lidin og eg ekkert a leidinni ad sofna strax aftur:( Eg nadi svo smalur aftur seinna en thad var allt og sumt. Flugid gekk samt svaka vel og tok 10 og halfan tima. A Bangkokflugvelli rett nadum vid ad fara a milli vela og vid tok stutt og laggott flug til Phuket, ekki nema rumlega klukkutimi. A flugvellinum tok a moti okkur madur fra hotelinu sem keyrdi okkur thangad. Vid komum fyrir klukkan tiu ad stadartima (tha var klukkan ad verda thrju og allt vitlaust a menningarnott orugglega) en vid fengum thvi midur ekki hverbergi fyrr en um eitt... Vid bidum thvi og drukkum bjor, eg for ad snarfinna a mer og threytan for ad segja skemmtilega til sin enda adeins buin ad sofa orfaa klukkutima slitrott sidustu tvo solarhringa. Eg var farin ad dotta i stolinn thegar vid loksins fengum herbergid.

Mottokurnar a hotelinu voru alveg otrulegar. Allir buktudu sig og beygdu og okkur var faerdur rosa finn avaxadrykkur med rorum og blomum og allskonar finerii. Loksins fengum vid svo herbergid og thad er ekkert sma flott! Buid var ad skreyta rumid med rosblodum og skreytingu i tilefni brudkaupsferdarinnar og badid var somuleidis med rosablodum i. Her er internettenging og get eg thvi setid i ruminu og bloggad (eg buin ad leggja mig en Joi hrytur enn), tolva med iTunes og fullt af biomyndum, sjonvarp a flatskja og flottasta badherbergi sem eg hef nokkurn timann sed! I' m loving it!

Ja, vedrid, ekki ma gleyma thvi. Thetta leit agaetlega ut thegar vid lentum en svo thegar vid vorum ad bida eftir hotelherberginu tha rigndi alveg rosalega og thegar vid lobbudum a herbergid var thvilik demba. Thad er vist buid ad rigna svolitid og gerir thad eitthvad afram. Thad er samt 30 stiga hiti og soldid eins og ad vera i sanu thegar madur situr uti! En thad hanga regnhlifar handa okkur inni i fataskap thannig ad hotelid ser um thetta alltsaman:)

Eg veit ekki enn hvernig verdur med myndir en thetta er e-d litil tolva og ekki vist ad haegt se ad hlada myndum inn a hana. Vid finnum tha netkaffihus til thess. Thar til naest...

Ahh, fríid byrjad!

Ahh, fríid byrjad!
Originally uploaded by valdiso

Ahh, fríid byrjad!

Sumarfrí!

Ég er komin í sumarfrí! Júhhú!!!

Við þurfum að vakna um þrjú í nótt til að græja okkur af stað... skemmtilegt:) Flug nr. 1 fer kl. sjö og svo tekur eitt við af öðru. Ég er alveg búin að finna til bækur, setja hljóðbækur inn á ipodinn og auðvitað fullt af tónlist. Og svo svefntöflu svo ég sofi kannski í langa fluginu. Vona að þetta verði allt til þess að það líði ekki mjög hægt. Svo er auðvitað e-ð sýnt í sjónvarpinu í flugvélinni.

Ég held að ég sé líka bara búin að pakka öllu. Óvenju lítill farangur með í för enda erum við bara með handfarangur svo við þurfum ekki að standa í að sækja farangurinn og tékka okkur aftur inn á Kastrup. Þetta er langfljótlegast svona. Svo kaupir maður sér bara eitthvað í útlöndunum! Það er nefnilega allt svo ódýrt í Taílandi, a.m.k. ennþá. Vesen á krónunni að vera að veikjast svona akkúrat núna!

Ég reyni að blogga e-ð í ferðinni og setja inn myndir - fylgist spennt með!

6 dagar í frí!

Í dag eru aðeins sex dagar þangað til við förum til Taílands! Sex dagar í þetta! Úúú hvað það verður skemmtilegt:) Við förum sem sagt til Phuket í Taílandi á laugardaginn og verðum ansi marga klukkutíma á leiðinni. Fljúgum fyrst til Kaupmannahafnar og þaðan beint til Bangkok þar sem við skiptum um flugvél og höldum áfram til Phuket. Allt í allt ca. 19 tíma ferðalag... Það verður bara spennandi að prófa það! Svo er ýmislegt planað úti, siglingar og fílaskoðun svo eitthvað sé nefnt. Við ætlum að reyna að vera dugleg að setja myndir inn á myndasíðuna og jafnvel blogga e-ð að utan. Sérstaklega þar sem er internettenging á herberginu!

Annars er svosum ekki mikið búið að vera að gerast. Skrapp á Apavatn í gær þar sem vinnan var í útilegu. Reyndi aðeins að renna fyrir fisk en allt steindautt. Ég er farin að halda að ég sé svaka fiskifæla, ég veit ekki hvað er langt síðan ég fékk fisk! Við fórum einmitt að veiða aftur í Korpu á dögunum en fengum ekkert þar. Þetta gengur nú bara ekki...

Verslunarmannahelgin var ein sú rólegasta í manna minnum, maður var bara heima á kvöldin að slaka á. Við fórum einmitt í Korpu á laugardeginum og fórum út úr húsi hálfsjö að morgni, svaka hress. Maður hefur nú stundum verið að koma heim á þeim tíma, ekki alveg jafnhress!

En, sex dagar! Eftir viku verð ég í Taílandi! Jibbíjei!!!

Sunnudagur

Loksins er Harry Potter lestrarlotunni lokið. Ég er búin að lesa allar bækurnar í einni bunu og kláraði þá nýjustu í dag. Ég vil svosum ekkert segja meira um hana annað en að hún er virkilega góð og gott að vera búin að fá botn í þessa miklu sögu! Svo verður spennandi að sjá hvað J.K. Rowling gerir næst. Þá er bara að skella sér á nýjustu myndina en eftir það verður tekið svolítið Harry Potter hlé. Spurning hvað maður fer að lesa næst...

Í vikunni sem leið skellti ég mér til Stokkseyrar í kajakferð. Þannig er að við systur fengum gjafabréf í slíka ferð þegar við útskrifuðumst í febrúar í fyrra en vorum aldrei farnar að fara. Við skelltum okkur því af stað ásamt mágkonu og krökkum og gerðum úr þessu fínustu ferð. Við byrjuðum á Veiðisafninu sem var alveg magnað og fórum því næst á Álfa- og tröllasafnið sem var ekki alveg jafnmagnað... Þar var biluð peran í norðurljósunum og ekki alveg þúsund króna virði að labba þarna í gegn. Krökkunum fannst samt fínt þarna. Svo fórum við á kajaka og skemmtum okkur vel við að sigla um fenin, festast í ógöngum og villast:)

Við Jói fengum svo óvænt að prófa að veiða í Korpu í ca. 3 tíma í vikunni. Virkilega gaman að koma þangað og gaman að sjá fullt af laxi í þessum ám í miðri borg. Að vísu vildi hann ekki koma á land en Jói missti nokkra á fluguna sem var verulega svekkjandi! Við græddum þó aðeins á þessu þar sem við tíndum nokkrar golfkúlur þarna við ána. Maður þarf greinilega að passa sig að fá ekki svoleiðis í hausinn þegar maður er að veiða þarna!

"Veiði"ferð

Ekki var mikið um veiði í Krossánni þetta árið eins og búist var við. Lítið vatn í ánni, sól og blíða og teljarinn sýndi að 5 laxar væru komnir í ánna, þar af var búið að veiða einn... Þetta varð því einfaldlega sumarbústaðaferð með smá æfingu í að veiða, mikið um sólbað og lestur. Meira að segja var hægt að synda í ánni. Og svo auðvitað ískalt hvítvín í sólinni og grill. Já, og svo kom nú ein bleikja á land sem bjargaði ferðinni.

Helgin er svo búin að fara í hvíld í sólinni. Alltof heitt til að sitja á svölunum samt, alveg logn og steikjandi sól. Við fórum í hádeginu í dag og fengum okkur humarsúpu hjá Sægreifanum sem var ljómandi góð. Frekar furðulegt að sitja úti í sólinni á bakvið húsið, alveg við hliðina á sorpinu. Enda voru nokkrir túristar sem skildu ekkert í þessu þegar þeir löbbuðu framhjá. Við vorum sennilega einu Íslendingarnir þarna en mikið var um túrista og ofsalega mikið líf við gömlu höfnina. Heilmargir að fara í hvalaskoðun og á vappi þarna um. Gaman að sjá allt þetta fólk þarna:)

Þessa dagana sit ég svo sveitt við og les Harry Potter eina ferðina enn. Ég pantaði fyrstu fjórar bækurnar á Ebay um daginn og er búin að lesa á fullu síðan þær komu (eftir 9 vikur á leiðinni með árabát frá Ameríku). Ég var að enda við að klára fjórðu bókina og ætla að lesa fimmtu og sjöttu aftur áður en ég les þá nýju. Þá verð ég með plottið á hreinu þegar lokakaflinn er lesinn! Ég verð nú samt að hafa mig alla við svo að ég nái þessu, þetta eru ansi þykkar bækur og nýja bókin kemur um næstu helgi! Best að fara þá að lesa núna...

Myndskilaboð

Myndskilaboð
Originally uploaded by valdiso

Myndskilaboð

Myndskilaboð
Originally uploaded by valdiso

Myndskilaboð

Myndskilaboð
Originally uploaded by valdiso

Ekki er veiðiveðrið gott þessa dagana en þrátt fyrir það á að skella sér í veiðitúr á morgun. Árlega Krossárveiðiferðin er nú farin í júlí og stefnir allt í að hún verði laxlaus í ár, aldrei þessu vant. Allavega var ekki kominn einn lax í ána síðast þegar fréttir bárust þaðan. Sennilega förum við bara í september á næsta ári eins og venjulega. Ekki nóg með að rigningarleysi og laxleysi séu til vandræða heldur er ekkert grín að fá maðk. Þeir eru seldir á allt að 100 kr. stykkið - en við létum vera að kaupa af þeirri sölukonu. Við fórum hæst í 90 kr. stykkið. Svo æfir maður sig kannski bara á fluguna eða beitir rækju og gulum baunum í versta falli!

Þar sem ég fann loksins út hvernig er hægt að senda myndir beint á bloggið úr símanum verður kannski eitthvað meira af því í gangi. Svo er aftur annað mál að ég þarf að fara að fá mér betri síma sem tekur sæmilegar myndir - ég hef stolist í símann hans Jóa hingað til. Þá get ég líka sent myndir frá Tælandi en við ætlum að skella okkur þangað í brúðkaupsferð í ágúst... meira um það síðar!

Myndskilaboð

Myndskilaboð
Originally uploaded by valdiso

Myndskilaboð

Myndskilaboð
Originally uploaded by valdiso.

Þetta er tölvupóstur, sendur með Myndskilaboðum frá 3548682192, titill skilaboðanna er: DSC00059.



Það er ekki hægt að svara tölvupóstinum.

Jökull

Jökull
Originally uploaded by valdiso.

Þetta er útsýnið yfir á Langjökul.

Um leið er ég að prófa hvort að það virkar að blogga af flickr síðunni minni...

Hitabylgja!

Hitabylgja á Íslandi, hvenær gerist það eiginlega? Þetta er alveg fáránlegt veður, maður flýr inn af svölunum af því að það er allt of heitt að sitja þar. Ekki að maður kvarti svosum þó að það megi alveg fara að rigna, sérstaklega fyrir vestan. Við erum nefnilega að fara í veiðitúr á Skarðströndina í næstu viku og vonandi verður einhver á þar til að veiða í... Þá get ég vígt nýju fínu vöðlurnar mínar og jakkann sem ég var að kaupa - nema það verði bara sólbaðsveður.

Við vorum einmitt með grillaðan, nýveiddan lax úr Elliðaánum í matinn á laugardagskvöldið en Jói gerði sér lítið fyrir og veiddi einn glæsilegan á föstudag. Vonandi verða þeir fleiri í sumar:) Á laugardaginn fór ég svo á Þingvelli, Gullfoss og Geysi með tékkneskri vinkonu minni í björtu og fallegu veðri. Alltaf gaman að sjá fossa, goshveri og jökla í sólskininu!

Frú Valdís

Þá er ég bara orðin frú eftir helgina! Það finnst mér svakalega fullorðins eitthvað. Dagurinn var í alla staði yndislegur enda vorum við einstaklega heppin með veðrið. Athöfnin í kirkjunni var ofsalega vel heppnuð og er það mikið til tónlistarfólkinu okkar að þakka, þeim Sigrúnu frænku og Matta hennar, sem spiluðu og sungu svo falleg lög. Finnskur brúðarmars á leiðinni inn kirkjugólfið, Dagný og Augun þín blá í athöfninni og finnskur brúðarmars eftir sjálfan harmónikkuleikarann á leiðinni út. Á eftir var skálað í garðinum á Valdastöðum og síðan var matur og alls kyns skemmtilegar uppákomur með söng og gleði. Þar komu frændsystkinin Óskar Þór og Selma Hrönn sterkt inn með söng og spili og Sigrún og Matti héldu áfram að syngja og spila. Eftir frábæran mat og gómsæta köku var dansað í garðinum við harmónikkuleik þar til rútan fór í bæinn full af glöðu fólki. Þetta verður dagur sem við gleymum aldrei og ég segi bara takk fyrir mig allir saman!

Eftir þessi ósköp er maður voða lúinn en ánægður. Við förum svo í brúðkaupsferð til Taílands í ágúst sem verður líka spennandi, gaman að hafa eitthvað að hlakka til... Ef þið viljið svo sjá myndir úr brúðkaupinu þá getið þið skoðað myndasíðuna hans Siggamusar sem var sérskipaður ljósmyndari á laugardaginn.

Bara að veðurspáin rætist!

Gæsadagur

Það var nú kominn tími á smávegis breytingar og skrif hérna. Mér finnst ég bara haft svo lítið að segja og lítinn tíma til að blogga en ætla að reyna að skrifa smávegis á næstunni.

Það er búið að vera nóg að snúast samt að undanförnu. Í dag eru aðeins tíu dagar í brúðkaup okkar skötuhjúa og fullt að gera við undirbúning. Þó að veislan verði bara lítil þá þarf samt að undirbúa hana! Síðustu helgi fékk ég svo að vera gæs í einn alveg meiriháttar dag. Ég var sótt kl. 11 um morguninn af Önnu Katrínu sem mætti með bjór í hendi handa mér. Hún fór með mig upp í Hallgrímskirkjuturn þar sem vinkvennahópurinn beið og var skálað þar í freyðivíni á meðan klukkurnar hringdu (allir með puttana í eyrunum á meðan...). Því næst var hádegismatur í heimahúsi (og bjór) og síðan farið í pool (og drukkinn bjór) þar sem ég sýndi snilldartakta með því að hitta svörtu kúluna alltaf ofan í. Finnst svindl að það megi samt ekki fyrr en hinar eru komnar ofan í... Svo röltum við á ljósmyndasýningu með myndum af allsberu fólki en það kom í staðinn fyrir stripparann. Þá var farið í Laugar þar sem ég fékk rosa gott nudd á meðan stelpurnar biðu í baðstofunni og eftir nuddið hitti ég þær þar og fór í heita pottinn og piparmyntugufuna. Endurnærðar fórum við aftur í heimahús þar sem birtist allt í einu ókunnugur karlmaður sem ég var næstum búin að spyrja hvort að væri stripparinn. Ekki var hann það þó heldur kominn til að halda vínsmökkun fyrir okkur. Eftir nokkur glös af hvítvíni (maður var sko ekkert að skyrpa því út úr sé neitt) fórum við á La Primavera í alveg meiriháttar mat og þaðan var haldið út á lífið fram á rauða nótt. Alveg meiriháttar dagur og ég mæli með því að vera gæs!

Ég lifi!

Jebb, ég er á lífi eftir alltsaman. Bara lítið í tölvunni utan vinnutíma til þess að blogga. Ekki að það sé svo ýkja margt að blogga um. Að vísu er ég búin að fara í sumarbústaðaferð en við fórum nokkur saman í veiðihúsið við Eldvatn um síðustu helgi sem var alveg hreint stórfínt. Pottur og sána er allt sem þarf þótt það sé rok og rigning! Svo eru páskarnir framundan með árlegri stórveislu í sveitinni sem verður enn stærri í ár þar sem það verður brúðkaup á laugardeginum. Nei, ekki við en annar fjölskyldumeðlimur ætlar loks að festa ráð sitt. Við ætlum að gera það í sumar...

Helgin núna verður með rólegasta móti enda helgin á milli sumó og páska. Það er nú ekki hægt að vera á fullu alla daga skal ég segja ykkur.

En annars vildi ég bara setja nokkrar línur hingað inn. Ég tékka inn seinna þegar ég hef tíma. Vonandi get ég svo farið að setja myndir hingað beint úr símanum og svoleiðis en það hafa verið e-r leiðindi með það síðan ég fór yfir á nýja bloggerinn. Ég var að reyna þetta um daginn í gegnum flickr en það gekk ekki svo vel eins og sést á síðustu færslu. Ég held áfram að reyna...

Flickr

This is a test post from , a fancy photo sharing thing.

Matur og gaman

Í gærkvöldi skelltum við okkur á Food and Fun hátíðina í Perlunni. Við vorum sein að ákveða að fara svo að það var allt upppantað nema þetta eina borð í Perlunni. Það var gaman að koma þangað og borða, ég hef aldrei stigið fæti inn á veitingastaðinn áður. Svo snýst hann og allt og maður vissi aldrei hvar borðið var þegar maður kom aftur af klósettinu! Maturinn var svaka góður og þá sérstaklega hægeldaði laxinn (hvað ætli taki langan tíma að elda svoleiðis?) og lambalundirnar... mmm. Svo kom kokkurinn og gekk á milli borða og spjallaði við fólkið, mjög almennilegur gæi. Við fórum líka í fyrra en þá var Food and fun sömu helgi og við systurnar útskrifuðumst. Þá fórum við til Sigga Hall og fengum geggjaðan mat. Það væri gaman að gera þetta að árlegum viðburði, maður fer nú ekki það oft fínt út að borða:)

Ég hef ekkert getað sett inn nýjar myndir af kisu, það er allt í rugli með að senda myndir úr símanum á bloggið. Ég verð að fara að finna út úr því eða setja inn myndir af myndavélinni í staðinn. Kisi er annars hress, við keyptum rosa góðan og fínan kattamat handa honum eins og okkur var ráðlagt og mallinn er allur að skána. Þetta er svona þegar maður á ekki börn þá fjallar hvert blogg um gæludýrið manns!!!

Jamm og já

Lífið gengur sinn vanagang hér á bæ. Kobbi, eins og við köllum Kol, er fjörugur og frískur og finnst voða gaman þegar við vöknum á morgnana eða komum heim úr vinnunni. Þá er hann eins og píla um alla íbúð, prílar upp á sófa og nagar sjónvarpssnúrurnar. Við vonum að hann róist bara með aldrinum blessaður! Svo vonum við líka að hann fari að skána e-ð í maganum, það kemur svo ægilega vond lykt úr kattakassanum þegar hann gerir nr. 2...

Annars er nóg að gera þessa dagana. Síðasta helgi var ljómandi skemmtileg og byrjaði á vinnustuði þar sem ég sýndi að ég er ekki mikið betri að spila Pool en að kasta pílu en ég hef nýlega komist að því að hæfileikar mínir liggja ekki á þessum sviðum. Hins vegar finnst mér hvort tveggja mjög skemmtilegt og mun því æfa mig í þessum íþróttum á fullu! Að loknu púli var grímuball hjá 25 ára snót og var feikna fjör þar. Daginn áður hafði ég einmitt farið í Leikbæ í leit að grímubúning og var þar eina fullorðna manneskjan í þeim erindagjörðum! Fann að lokum grænan glimmerhatt og „bling specs“ í stíl. Mér skilst að það komi myndir á síðu afmælisbarnsins við tækifæri. Laugardagurinn var ekki eins hressilegur eins og gefur að skilja en þó lufsaðist ég að horfa á Júróvisjón með krökkunum og var aldeilis hissa þegar að Eiki Hauks vann þetta bara og það víst með yfirburðum. Annars er allt í sambandi við þetta Júróvisjón hætt að koma mér á óvart og alveg eins víst að hann vinni þetta bara, það er ekkert hægt að spá fyrir um úrslit keppninnar. Verra fannst mér þó að lag eftir þennan ágæta höfund skyldi ekki vinna úti í Írlandi (lagið má heyra hér) en ég er nú kannski ekki alveg hlutlaus þar. Fallegt lag þó!

Kolur

Obbosí! Haldiði að Kola litla sé ekki með pung! Litla kisan er sko engin læða heldur hress fress með loðinn pung. Já, við héldum að þetta væri læða eins og okkur var sagt þar til í gærkvöldi að ég var að klóra honum á maganum. Þá blasti dýrðin við! Það verður því að breyta nafninu og er ekki hægt að skíra hann í höfuðið á Selmu. Kolur skal hann heita héðan í frá.

Kola

Já, eins og sjá má á myndunum hér að neðan þá hefur orðið fjölgun á heimilinu. Kola flutti til okkar í gær, 10. febrúar, á 9 ára afmælisdegi Heiðu Maríu frænku. Þetta byrjaði nú allt í tilhugalífi okkar Jóa sem er mikill kattavinur og hefur átt kisu síðan hann var strákur. Ég, sveitastelpan, er að sjálfsögðu ekki vön því að hafa dýr inni á heimilinu, dýrin eiga bara að vera úti í fjósi! En þegar maður er ungur og ástfanginn þá lofar maður öllu fögru og auðvitað myndum við fá okkur kött þegar við værum orðin stór og farin að búa. Ég slapp með skrekkinn á stúdentagörðunum þar sem kattahald er stranglega bannað en þegar við fluttum í okkar eigið húsnæði varð ekki lengur hægt að fresta þessu. Ég hélt ég væri sloppin fyrst við fluttum í fjölbýli en Jói kættist þegar hann sá alla kettina í nágrenninu og hjá nágranna okkar í stigaganginum. Þá var bara að ganga í að leita að kisu. Við fórum í gær og keyptum kassa, kattasand og kattamat og allt sem þarf að eiga þegar ný kisa flytur inn á heimilið og skoðuðum svo smáauglýsingarnar sem eru uppfullar af gefins kisum. Þar fundum við eina sem beið eftir okkur í Vesturbænum, rúmlega 12 vikna gamla. Hún titraði og skalf á leiðinni í úthverfi borgarinnar, enda aldrei farið út úr húsi og hvað þá í bíl. Allt gekk þó vel í fyrstu, hún skoðaði nýju heimkynnin af miklum áhuga og var síðan svo þreytt í gærkvöldi að hún steinsvaf hjá okkur í sófanum. Nóttin leið stórslysalaust en hún var heldur smeyk í morgun eftir allar hroturnar í nótt og ætluðum við aldrei að finna hana en loksins gægðist hún fram þar sem hún hafði sofið bak við tölvuskjáinn... Við skírðum hana fullu nafni Kola Selma í höfuðið á gæludýrinu okkar sem var hérna í haust en ætlum að kalla hana Kolu. Og það fyndna er að hún er búin að taka ástfóstri við herberginu hennar Selmu og hvílir sig þar þegar hún er feimin við okkur. Þetta tekur eflaust einhverja daga fyrir hana að venjast okkur en framundan er spennandi líf hjá okkur sem kisuforeldrar og eflaust verð ég hrifnari en mig hefði grunað af kisu litlu.

Myndablogg

Myndina sendi ég

Powered by Hexia

Myndablogg

Nýjasti fjölskyldumedlimurinn, Kola Selma. Köllud Kola.

Myndina sendi ég

Powered by Hexia

Sunnudagur til sigurs

Nei, þessi sunnudagur virðist ekki ætla að vera til sigurs hjá íslenska handboltalandsliðinu, Þjóðverjar eru að valta yfir þá í þessum skrifuðu orðum...

En hvað um það, vegna fjölmargra áskorana (!) ákvað ég að hætta ekkert að skrifa hérna, það eru allavega fjórir sem lesa þetta svo að það er bara fínt:) Vikan sem leið var hin rólegasta fyrir utan það að ég hefði getað lent í geðsjúklingi á vörubíl sl. fimmtudagskvöld. Við Selma vorum á leiðinni heim á fimmtudagskvöldið þegar við komum að fullt af löggubílum á gatnamótunum við Vífilstaðaveg, blikkandi ljós á fullu en ekkert umferðarslys svo að við skildum ekkert í þessu en alveg að drepast úr forvitni. Morguninn eftir komst ég hins vegar að því að þarna var verið að tæma gatnamótin ef trukkurinn kæmi æðandi þangað á 100 km hraða... eins gott að við komumst heilar heim segi ég nú bara!

Helgin var hin rólegasta líka. Byrjaði með Trivial móti í vinnunni á föstudag og svo kom Þórdís frænka í heimsókn frá laugardegi til sunnudags og var ýmislegt skemmtilegt gert, t.d. borðað á Jómfrúnni, farið í Kolaportið, horft á handbolta, farið í bíó og í Ikea. Allavega er maður í góðu formi í dag en ekki ryðgaður eins og stundum áður!

Já, best að kaupa miða á Lisu Ekdahl á meðan ég man...

Jæja...

Gleðilegt ár! (Kominn tími á það...) Ofsalega er búið að vera lítið um að vera hérna! Aðalástæðan fyrir því er auðvitað sú að ég byrjaði í nýrri vinnu 2. janúar og hef því ekki haft tíma til að hanga mikið í tölvunni að blogga. Ég fer nefnilega ekki svo mikið í tölvuna þegar ég er heima nema einstaka sinnum, eins og núna þegar ekkert er í sjónvarpinu. Vinnan er annars stórfín, nóg að læra og nóg að gera, fólkið skemmtilegt og allt lofar góðu.

Annars er bara búið að vera fjör í janúar fyrir utan vinnuna, nú síðast þorrablót í sveitinni sl. laugardag og er ég enn að jafna mig eftir það... Það verða sko rólegheit á næstunni! Tónleikunum með Pétri, Birni og Jóni sem áttu að vera næstu helgi var frestað fram í mars svo að næsta helgi verður róleg - sem betur fer. Ég verð með frænkur í heimsókn og stefni á bíó og fleira skemmtilegt.

Þarna sjáiði, ekkert verið skrifað í mánuð og ekkert að skrifa um... kannski kominn tími á að fara að hætta þessu bara!

Allir að koma á tónleika!

Ég ætla á Nasa 27. janúar:)

Jóla jóla

Gleðileg jól og takk fyrir pakka og kort þið sem þetta lesið:)

Maður er búinn að hafa það alltof gott um jólin eins og venjulega. Ég fór uppeftir strax á Þorláksmessu og fór strax í Scrabble og var mikið spilað af því þessa daga. Ég lagði ekki í skötuna heldur eldaði „skötupasta“ með engri skötu handa mér og krökkunum. Þar með hófst átveislan mikla sem lauk ekki fyrr en í gær! Önd og gæs á aðfangadag, hangikjöt í hádeginu á jóladag og nautalund um kvöldið, fyrir utan allar smákökurnar og nammið. Úff! Ég kom í bæinn í gær og í vinnuna í dag. Síðustu dagarnir hér á Orðabókinni og svo eitthvað allt annað í næstu viku! Allt að gerast...

Myndablogg

Myndina sendi ég

Powered by Hexia

3 dagar til jóla!

Stysti dagur ársins í dag, kaldur og hvass. Er maður ekki enn syfjaðri þennan dag en aðra? Mér finnst ég allavega alltaf vera sybbin...

Aðeins þrír dagar til jóla og ég búin að kaupa allar gjafir og pakka þeim öllum inn nema einni! Enn er allt á hvolfi heima en kvöldið verður notað í að gera huggulegt. Fyrsta jólatréð okkar fer upp í kvöld og kannski aðeins lagað til um leið. Svo er jólagleði annað kvöld og getur verið að ég fari bara í sveitina á Þorláksmessu í ár til að nota ferðina sem er þá. Ég hef ekki verið uppfrá á Þorláksmessu síðan í menntaskóla held ég þannig að það verður kósí. Vonandi fæ ég bara pylsur í matinn samt, ég meika ekki skötuna. Mmm, hlakka til:)

Ég þarf greinilega að drífa mig þangað...

You Belong in Barcelona

When it comes to Europe, you don't want to decide between culture and fun. You want art by day and a big party by night. Barcelona is ideal for you. You can check out some Picasso, eat some tapas, take a siesta, and then dance all night!

What European City Do You Belong In?

9 dagar til jóla!

Leiðinda Gmail virkar ekki hjá mér í dag, einmitt þegar ég þarf að nota póst þaðan til að geta unnið áfram! Alveg dæmigert...

Tíminn líður og aðeins níu dagar til jóla. Helginni verður vonandi eytt í eitthvað gáfulegt eins og að skrifa jólakort, taka smá til, kaupa nokkrar jólagjafir og vonandi horfa á It´s a Wonderful Life, uppáhalds jólamyndina mína, en ég keypti hana einmitt á DVD úti í London um daginn. Kannski að maður horfi líka á Return of the King og klári þá þrennu. Og Lost þættina sem ég var að fá úr nýju seríunni... Greinilegt hvað ég verð að gera um helgina.

13 dagar til jóla!

Það styttist aldeilis í jólin og því var mjög við hæfi að taka eina jólasveitahelgi um helgina. Ég dreif mig uppeftir á föstudag og var helginni eytt í Scrabble (en ekki hvað?), laufabrauðsgerð, lestur, Trivial, sjötugsafmæli, rafmagnsleysi og kertaljós. Rafmagnið fór sem sagt vegna veðurs á laugardagskvöldið eftir matinn og var því ekkert annað að gera en að spila við kertaljós. Langt síðan maður hefur lent í svona svartamyrkri! Síðan var svo vont veður að það þurfti að keyra börn og fatlafól á milli húsa svo að við myndum nú ekki fjúka... ævintýralegt það. Jólaskapið helltist yfir mann þrátt fyrir vatnsveðrið og hef ég verið að söngla jólalög síðan.

Ef fólk hefur áhuga á öðruvísi jólalögum þá ef hægt að hlusta á allar jólaplöturnar hans Sufjans Stevens hér. Þetta kemur mér allavega í jólaskapið!

Hjúkk...

Ég var farin að hafa áhyggjur!

Ég er einmitt búin að horfa aftur á tvær af þremur Hringadróttinssögum í lengri útgáfu og þvílík snilld. Ég er því mjög spennt að sjá Hobbitann í gerð sama leikstjóra.

Annars er að verða ansi jóló út um allt. Við þurfum einmitt að fara að kaupa eitthvað jóló á svalirnar hjá okkur og svona. Þegar maður er kominn í svona stóra íbúð þá týnist alveg þetta litla jóladót sem við áttum! Þá er bara að bæta við...

Domm

Domm dí domm, ég er hálfdomm. Sísyfjuð í skammdeginu, gæti sofið allan daginn eða allavega legið uppi í rúmi. Hef ekki frá neinu að segja. Vildi bara hafa lífsmark á síðunni. Lofa að ég skrifa eitthvað skemmtilegt næst...

Þriðjudagur

Ég þoli ekki svona mikinn snjó! Ég get ekki labbað í honum, það er leiðinlegt að keyra í honum og það er einfaldlega alltof mikið af honum! En það þýðir víst lítið að tuða yfir því, ekki fer hann við það...

Síðasta helgi var virkilega skemmtileg og tónleikarnir á föstudagskvöldið einfaldlega stórkostlegir. Vá. Frábært að fara á svona góða tónleika þar sem maður fær gæsahúð og tár í augun! Eftir tónleikana fór ég í sveitina þar sem var tekin æfing í skrafli fyrir jólin. Auðvitað burstaði ég annað spilið (hehe) svo að ég kem sterk inn í scrabble tímabilið í ár! Svo var afmæliskaka á laugardeginum enda áttu nöfnurnar Þórdís og Þórdís á Valdastöðum afmæli í gær. Svo var meira afmæli á laugardagskvöldið en Svala og Jenni héldu upp á stórafmælin sín. Flott veisla og rosa gaman - takk fyrir það!

Svo var maður bara fastur í snjóskafli heima á sunnudaginn. Sem betur fer vorum við nú ekki föst í bænum um nóttina eins og sumir voru víst. Dagurinn fór í að horfa á Föruneyti hringsins, extra langa þriggja og hálfs tíma útgáfu! Ekki leiðinlegt það... Ég bíð spennt eftir að horfa á hinar tvær en kassann keypti í einmitt í London.

Myndablogg

Tryna á Valdastödum

Myndina sendi ég

Powered by Hexia

Súfjan sæti

Í dag er ég í mjög góðu skapi þrátt fyrir kuldabola úti. Í kvöld er t.d. hinn undurfagri Sufjan Stevens að fara að spila fyrir mig undurfagra tónlist í Fríkirkjunni og ég get ekki beðið! Ég sit í vinnunni og hlusta á tónlistina hans og hlakka bara til. Vonandi verð ég ekki fyrir vonbrigðum með tónleikana en væntingarnar eru miklar.

London var annars skemmtileg að venju. Ég var að vísu búin að gleyma því hvað stórborgir krefjast mikillar göngu og voru fæturnir mínir því ansi lúnir eftir ferðina. Þó maður ætli sér alls ekki að skoða allt og gera allt þá er alltaf meira labb en maður ætlar sér. Það var því ágætt að setjast reglulega inn á pöbba til að hvíla sig! Ég ætlaði að kaupa mér fullt af fötum úti en varð fyrir vonbrigðum með búðirnar. Ég fann mér jólapils og götuskó en keypti annars mest í Virgin Megastore og HMV - en ekki hvar? Geisladiskar og DVD, það er langskemmtilegast að kaupa svoleiðis! Svo fórum við í leikhús að sjá The Producers sem var mjög skemmtilegt. Duldið langt en mjög fyndið. Svo fórum við líka í dýragarðinn sem var bara fjör. Stutt ferð en skemmtileg í heildina.

Nú þarf ég bara að fara að uppfæra óskalistann hérna til hliðar svo að fólk viti hvað mig vantar í jólagjöf...

Valdis O.

Hahahahaha! Ég á nafna í útlöndum! Næstum því alnafna meiraðsegja.

Nú líður mér eins og Lýð Oddssyni...

London beibí

Jibbí, ég er að fara til London á morgun! Við skötuhjúin ætlum að skella okkur í helgarferð til stórborgarinnar þar sem við ætlum að njóta lífsins, kannski kíkja í búðir, drekka fullt af bjór, fara út að borða og í leikhús. Svo eitthvað sé nefnt. Vonandi nær maður að gera eitthvað af þessu fram á sunnudag en þá komum við aftur. Vííí!

Mér brá aldeilis í brún í gærkvöldi þegar ég leit út um gluggann en þá var allt fullt af slökkviliðsbílum á bílastæðinu okkar. Það hafði þá kviknað í húsinu við hliðina á okkur. Að vísu urðum við ekki vör við þetta fyrr en búið var að slökkva eldinn en fréttum að þetta hefði verið mikill eldur. Óhuggulegir þessir eldsvoðar...

Ég er núna búin að ætla á The Queen í bíó í nokkrar vikur þar sem ég fékk boðsmiða á hana en er ekki enn farin að fara. Svo fer ég út á morgun og það verður örugglega hætt að sýna hana í næstu viku. Meira hvað maður getur verið latur. Ætli maður gefi ekki leigjandanum bara miðann ef hún nennir...

London beibí á morgun! Jibbí...

Þriðjudagur

Vikan eftir Airwaves er skemmtileg að því leyti að maður hefur uppgötvað nýja tónlist og hlustar á hana daginn inn og daginn út. Uppgötvun helgarinnar var fyrir mitt leyti Jens Lekman, Svíinn geðþekki. Hann hélt tónleika á laugardagskvöldið á Þjóðleikhúskjallaranum sem toppuðu hátíðina gjörsamlega. Mæli með honum, hann er bæði sætur og skemmtilegur... Önnur hetja Airwaves var Erlend Oye, Norðmaðurinn geðþekki sem bæði kom fram með nýrri hljómsveit sinni, The Whitest Boy Alive og söng óvænt eitt lag með fyrrnefndum Jens Lekman. Annað á Airwaves var fínt en Skandinavarnir stóðu upp úr. Næstu tónleikar á dagskránni munu vera með Sufjan Stevens 17. nóvember. Hlakka til...

Þangað til er hins vegar nóg að gera. Jafnvel er stefnt á Höfn í Hornafirði næstu helgi að heimsækja stóru systur og eftir tvær vikur og tvo daga er ferðinni heitið til London í helgarferð. Enda líður tíminn eins og ég veit ekki hvað þessa dagana. Október er nefnilega bara búinn í næstu viku ef þið vissuð það ekki!

Föstudagurinn þrettándi

Einhverra hluta vegna er ég alltaf afkastaminnst á föstudögum en jafnvel afkastamest á mánudögum. Allavega ef helgarnar eru ekki of erfiðar. Er það ellimerki?

Í dag er svo föstudagurinn 13. en ég er nú ekkert hrædd við hann eins og sumir. Og allt er nú til, múslimafóbía, kynskiptingafóbía og unglingafóbía!

Annars er ég svo afkastalítil, þar sem það er föstudagur, að ég hef engu við þetta að bæta í dag.

Æ æ æ...

Frekar neyðarlegt. Í Morgunblaðinu í dag er heilmikil umfjöllun um MND sjúklinga og aðstæður þeirra á miðopnu. Blaðamaður skrifar hins vegar á einum stað um „MSN sjúklinga“... úbbs!

Zzzzzzzzz

Það er nú meira hvað ég get verið syfjuð. Það er sama hvað ég sef, alltaf er ég geispandi og gapandi. Ég er búin að sofa út í eitt eftir veiðitúrana, það mætti halda að þeir hefðu tekið einhverja orku frá mér! Svo get ég örugglega ekkert sofið um helgina þegar ég má sofa, það er allavega vaninn...

Við erum annars komin með leigjanda fram í janúar. Við sáum aumur á heimilislausri frænku minni og ætlum að lofa henni að vera í tölvuherberginu næstu mánuðina. Hún er öflug í uppvaskinu svo að við njótum góðs af því!

Svo er hann Jonathan Richman vinur minn að koma í næsta mánuði! Ég hef séð hann í bæði skiptin sem hann hefur komið áður og skemmti mér rosalega vel, ég mæli með því að fólk kíki á hann í Iðnó. Svo er myndband með honum hér á síðunni sem ég setti inn um daginn ef fólk vill tékka á honum...

Vinnudýr

Þá er útivist minni lokið í bili og tími til kominn að sitja við tölvu í borginni næstu mánuðina. Þrír veiðitúrar í röð taka sinn toll! Þó að ég hafi kannski ekki veitt mjög mikið - og þó! Tveir ágætis urriðar í Laxá í Nesjum og tveir laxar í klakveiðinni í Kjósinni. Það er kannski ágætt. Annars var túrinn austur ljómandi góður. Að vísu var veðrið svo vont síðasta daginn að það var varla stætt úti í á og við urðum svo veðurteppt fyrir austan eina nótt. Sem betur fer var enginn að koma í veiðihúsið á eftir okkur svo að við fengum að vera þar eina nótt til viðbótar. Daginn sem við keyrðum aftur í bæinn var svo glampandi sól og blíða alla leiðina og var alveg ótrúlega fallegt að keyra meðfram jöklinum. Ofboðslega falleg leið!

Áður en við héldum austur fór ég svo á Nick Cave tónleika. Þeir voru auðvitað frábærir enda ekki við öðru að búast.

Hann var erfiður mánudagurinn í gær þegar ég byrjaði að vinna á Orðabókinni. Mikið var ég syfjuð enda búin að vera í veiðitúrum meira og minna allan september. Hér verður þó örugglega fínt að vera fram í desember. Allavega verður ágætt að komast inn í rútínu aftur...

September

Það er nóg að gera þessa dagana. Afmælið mitt var fyrir viku og var rosalega gaman þann daginn. Vinir og vandamenn fögnuðu með mér fram á nótt hér heima í skemmtilegri veislu og vil ég þakka þeim sem mættu kærlega fyrir mig! Hlakka til að eiga aftur svona afmæli...

Afmælisbarnið og unnustinn

Á miðvikudaginn var haldið í Krossá á Skarðsströnd til veiða. Í hífandi roki og rigningu komu tveir laxar á land fyrsta daginn, í sól og blíðu kom einn lax annan daginn en enginn vildi bíta á síðasta daginn í fínu veðri. Engan fékk ég þó af þessum þremur löxum en það kemur kannski næst. Alltaf jafngaman að fara í Krossána, góður félagsskapur og fallegt umhverfi!

Krossá

Valdís veiðikló

Á morgun er svo haldið af stað í annað ferðalag. Ferðinni er heitið til Hornafjarðar og verður farið að veiða þar rétt hjá, í Laxá á Nesjum, á mánudag. Þar verður veitt í tvo daga og svo haldið í rólegheitum heim á leið með viðkomu e-s staðar á leiðinni.

Svo fer maður kannski bara að vinna! Ég er að fara að vinna að verkefni hjá Orðabók Háskólans sem nú ku vera orðin hluti af Stofnun Árna Magnússonar í íslenskum fræðum. Þar verð ég allavega fram í desember og svo er að sjá hvað tekur við þá.

En fyrst af öllu er það Nick Cave í kvöld! Já, þetta verður í fjórða skiptið sem ég sé hann, eða fimmta ef talinn er með upplestur úr bók í Virgin Megastore í París... Alltaf er ég jafnspennt. Það verður forvitnilegt að vita hvort prógrammið sé mikið breytt að þessu sinni, hvað hann tekur af gömlum lögum o.s.frv. Hlakka til!

Gamla geit

30 ára. Og hananú.

Föstudagur!

Ef þessi snillingur kemur manni ekki í gott skap á föstudegi þá veit ég ekki hvað. Bíð spennt eftir að fá hann til landsins á ný!

Villta Villa

Ég var svaka villt í nótt og vakti alveg til eitt til að horfa á Rockstar! Ég var bara orðin svo spennt eftir að hafa horft á tónleikana, í endursýningu reyndar, að ég bara varð að sjá hvernig þetta fór. Frábært að Magni skuli vera í lokaþættinum. Verst að ég missi af honum.

Sjáið annars muninn á heimkynnum rokkaranna í þættinum hér!

Í dag eru tveir dagar eftir af ungdómsárum mínum...

Paris je t´aime

Ég fór á kvikmyndahátíð í gær á myndina Paris je t´aime. Þetta eru í raun 16 stuttar myndir eftir mismunandi leikstjóra um mismunandi hverfi Parísarborgar. Misgóðar myndir eins og gefur að skilja en í heildina var gaman að myndinni, sérstaklega þegar maður hefur verið í París. Enda var fullt af fyrrverandi au pair stelpum í bíó. Það vantaði þó alveg eina mynd um hressar au pair stelpur að skemmta sér í París! Mig langar svo að sjá miklu fleiri myndir á kvikmyndahátíðinni en hef hvorki tíma né efni á því. Ég ætla þó að sjá I´m your man um Leonard Cohen og jafnvel eins og eina mynd til.

Skyldi maður svo geta vakað yfir Rockstar í nótt? Nú á að vera Magnavaka á Skjá 1 og svaka stemmning. Verst að ég er alltaf sofnuð fyrir miðnætti. Ég hélt mér ekki einu sinni vakandi yfir endursýningunni síðasta miðvikudagskvöld! Og ekki vakna ég fyrir sex á morgnana, það er alveg á hreinu. Hann hlýtur að hafa þetta af án mín hann Magni.

Þetta er kannski aldurinn. Nú er stóri dagurinn eftir fjóra daga! Gráu hárunum fjölgar og svo framvegis. Ég hlakka samt bara til. Ég ætla að skemmta mér stórvel á laugardaginn og vona að aðrir geri það með mér! Minni af því tilefni á óskalistann hér til hliðar...

Síðasti mánudagur sumarsins

Já, þetta er síðasti mánudagur sumarsins. Byrjar ekki haustið annars 1. september? Þannig er nú það, síðasta sumarvikan nýbyrjuð og mér finnst sumarið vera í mesta lagi hálfnað. Þetta litla sumar sem annars kom. Svona er þetta á hverju ári...

Annars hafa síðustu helgar að mestu farið í þrítugsafmæli. Menningarnæturdaginn var eitt og núna á laugardaginn annað. Ljómandi gaman alltaf í þessum veislum! Svo er ég eftir 12 daga...

Ég fór annars ekkert á menningarnótt nema á Árbæjarsafnið um daginn að skoða diskó/pönk sýninguna. Hún var virkilega skemmtileg en þó minni en ég hélt. Toppurinn var þegar við dönsuðum á gamla Hollywood gólfinu við diskólög undir handleiðslu reynds diskóbolta. Síðan var jú afmæli á milli fimm og sjö (næstum því til átta samt) og svo fórum við ægilega kát heim og vorum í svaka stuði klukkan átta. Svo sofnaði ég yfir sjónvarpinu kl. ellefu...

Annað hef ég lítið gert spennandi að undanförnu. Horft mikið á sjónvarpið. Er inni í öllum þáttum á Skjá einum nema The Contender sem ég hreinlega þoli ekki. Er mjög spennt yfir Fingersmith en ég tók upp seinni hlutann í gær til að horfa á í kvöld (einmitt á meðan The Contender er...). Er komin inn í alla geimveruþætti/sæskrímslaþætti (Invasion, The Surface), glæpaþættirnir halda mér límdri við skjáinn og var mér mjög skemmt þegar CSI:New York reyndist vera framhald af síðasta CSI:Miami þætti. Skemmtilegt tvist það! Svo er það auðvitað Alias sem er flóknari en nokkru sinni fyrr og svo raunveruleikaþættirnir en mér til mikillar gleði er America´s Next Top Model að byrja enn og aftur. Og Rockstar Supernova. Hver fylgist ekki með því? Samt les ég stundum líka, glæpasögur að sjálfsögðu. Það er orðið mjög langt síðan ég las eitthvað verulega menningarlegt. Að vísu las ég Furðulegt háttarlag hunds um nótt sem var æðisleg en hún er eiginlega líka barnabók. Ég ætti kannski að fara að lesa þessar Laxness bækur í bókahillunni sem ég á eftir að lesa. En þannig er nú það. Léttmetið er ágætt.

Ég er dansdrottning...

Date Engine
9th Sep 1976 :

List of Albums
1976 On your birthdate the No. 1 single was Abba - "Dancing Queen"
1977 On your 1st birthday Elvis Presley - "Way Down"
1978 On your 2nd birthday The Commodores - "Three Times A Lady"
1979 On your 3rd birthday Cliff Richard - "We Don't Talk Anymore"
1980 On your 4th birthday Kelly Marie - "Feels Like I'm In Love"
1981 On your 5th birthday Soft Cell - "Tainted Love"
1982 On your 6th birthday Survivor - "Eye Of The Tiger"
1983 On your 7th birthday UB40 - "Red Red Wine"
1984 On your 8th birthday Stevie Wonder - "I Just Called To Say I Love You"
1985 On your 9th birthday David Bowie & Mick Jagger - "Dancing In The Street"
1986 On your 10th birthday Communards - "Don't Leave Me This Way"
1987 On your 11th birthday Rick Astley - "Never Gonna Give You Up"
1988 On your 12th birthday Phil Collins - "A Groovy Kind Of Love"
1989 On your 13th birthday Black Box - "Ride On Time"
1990 On your 14th birthday The Steve Miller Band - "The Joker"
1991 On your 15th birthday Bryan Adams - "(Everything I Do) I Do It For You"
1992 On your 16th birthday Snap - "Rhythm Is A Dancer"
1993 On your 17th birthday Culture Beat - "Mr Vain"
1994 On your 18th birthday Wet Wet Wet - "Love Is All Around"
1995 On your 19th birthday Michael Jackson - "You Are Not Alone"
1996 On your 20th birthday Peter Andre - "Flava"
1997 On your 21st birthday The Verve - "The Drugs Don't Work"
1998 On your 22nd birthday All Saints - "Bootie Call"
1999 On your 23rd birthday Lou Bega - "Mambo No5 (A Little Bit Of...)"
2000 On your 24th birthday A1 - "Take On Me"
2001 On your 25th birthday Bob The Builder - "Mambo No 5"
2002 On your 26th birthday Atomic Kitten - "The Tide Is High (Get The Feeling)"
2003 On your 27th birthday Black Eyes Peas - "Where Is The Love?"
2004 On your 28th birthday Nelly - "My Place / Flap Your Wings"
2005 On your 29th birthday Gorillaz - "Dare"

Hvað skyldi svo vera nr. 1 eftir 25 daga???

Enn einn mánudagurinn

Þeir eru einhvern veginn alltaf þessir mánudagar! Sem þýðir að það er líka alltaf helgi sem þýðir aftur að sumarið er allt í einu að verða búið... Ótrúlegt. Það hefur eitt og annað drifið á daga mína síðan þarna fyrir verslunarmannahelgi. Sú helgi varð til dæmis ekki alveg jafnróleg og hún átti að vera. Við vorum t.d. tvær nætur í Kjósinni og lentum í brekkusöng á Kaffi Kjós sem var mjög gaman. Svo fórum við út að borða á sunnudagskvöldinu og ég lenti á svaka stuðskralli með vinum mínum alveg óvart. Skrýtið hvað maður getur lent í hinu og þessu. Sökum ekki svo rólegrar helgi varð vikan á eftir auðvitað handónýt en nýliðin helgi bætti það upp með nægum svefni og góðum tónleikum. Já, Morrissey spilaði fyrir mig og fleiri á laugardagskvöldið. Reyndar svolítið undarlegt að vera á sitjandi tónleikum þar sem er svo ákveðið að það megi standa og tjútta upp við sviðið. Ekki eins gaman þegar maður situr framarlega og sér allt í einu ekkert. Stemmningin verður líka öðruvísi. Mér fannst t.d. á tímabili (þegar ég var búin að tjútta svolítið uppi við sviðið) eins og hann væri að spila fyrir hálffullu félagsheimili, fremstu raðirnar tómar og allir sátu einhvern veginn og klöppuðu með. Maðurinn er samt sem áður snillingur og tónleikarnir frábærir eftir því. Eins gott að maðurinn með lambalærið var stoppaður í dyrunum! Það hefði alveg getað eyðilagt stemmninguna. Ég verð þó aðeins að hneykslast á fréttaflutningi Fréttablaðsins sem sagði frá því að Morrissey hefði verið á vappi í Kringlunni með konu og barni. Ég hélt að hann væri nú meira hinsegin en það enda kom í ljós að maðurinn var alls ekkert kominn til landsins þegar þetta átti að hafa gerst. Enda þarf enginn að segja mér að maður sem semur svona texta sé gagnkynhneigður...

Nóg að gera framundan, leita að vinnu, eiga afmæli, hitta Nick Cave aftur og fara að veiða!

Jibbí!

Þetta kemur sér vel fyrir mig... Ég á sem sagt miða á báða tónleikana núna, ligga ligga lái!

Það er annars ekki stefnt á útilegu um helgina, ekki að ég sé vön því að fara langt þessa helgi. Kjós 2006 í kvöld en svo bara bærinn. Stefni á að taka til heima, lesa eins og eina bók eða fleiri, horfa á eins og eina bíómynd og hitta vini mína sem virðast ætla að vera í bænum. Lítið annað hægt að gera í rigningunni.

Góðar stundir!

Myndablogg

Myndina sendi ég

Powered by Hexia

Hitabylgja

Ekki gerist það nú oft að maður þurfti að flýja hitann í hádeginu með því að fara inn! Mig langar í buslulaug og sólbað. Mmmm...

Þriðjudagur

Ekki urðu myndirnar úr útilegunni nú jafnmargar og þær áttu að verða enda var ekkert gsm samband að Laugum í Sælingsdal. Þetta var því alveg ekta útilega, enginn sími eða neitt. Við vorum mjög heppin með veður, þótt það hafi ekki verið sól af ráði þá var mjög milt og alls ekkert kalt á nóttunni. Smárok á laugardaginn en lægði með kvöldinu. Við keyrðum síðan hringinn Fellsströnd-Skarðsströnd á laugardeginum, þaðan sem myndirnar hér að neðan eru, og var mjög gaman að keyra þann hring og stoppa á leiðinni. Afskaplega hressandi ferð að öllu leyti.

Mánudagurinn var þó ansi myglulegur eins og við var að búast. En þriðjudagurinn strax skárri með sól og blíðu. Lítið planað næstu helgi, í mesta lagi verður kíkt í Kjósina.

Ekki meira að frétta í bili. Þarf að fara að fá mér betri myndavélasíma sjálf...

Myndablogg

Myndina sendi ég

Powered by Hexia

Myndablogg

Myndina sendi ég

Powered by Hexia

Myndablogg

Myndina sendi ég

Powered by Hexia

Myndablogg

Myndina sendi ég

Powered by Hexia

Föstudagur!

Ekki hefur mér orðið mikið úr verki í morgun enda mjög sybbin, með Belle og Sebastian á heilanum og á leiðinni í útilegu. Ég er búin að vera dillandi mér síðan tónleikunum lauk í gærkvöldi, þetta voru hreint frábærir tónleikar. Ég myndi ekki hika við að fara aftur að sjá þau ef ég gæti, vonandi koma þau aftur seinna.

Svo er það útilega í dag, stefnan tekin á Laugar í Sælingsdal og hér verða settar inn myndir þaðan.

En fyrst er það vinnugrill í hádeginu, fylgist með á www.vinnugledi.blogspot.com!

Myndablogg

Hùn var nù fìn ì gær

Myndina sendi ég

Powered by Hexia

Tónleikar og útilega

Langaði bara að setja inn lag með Belle og Sebastian í tilefni tónleikanna í kvöld. Ef þið eruð að fara eða viljið bara hlusta á rosalega skemmtilegt lag þá skuluð þið tékka á þessu.

Útilega framundan um helgina, endalegur staður ekki ákveðinn enn. Ætla að vera dugleg að setja inn myndir frá ferðalaginu á síðuna ef ég fæ lánaðan flotta símann á heimilinu...

Sól og sumarylur

Þá er maður mættur á ný til vinnu eftir langt og strangt frí. Við fórum af stað í roki og rigningu á föstudag í Dalina þar sem við vorum í svaka fínu húsi að Ljárskógum með veiðileyfi í Ljárskógarvötnum. Lítið var um veiði enda veður hreint ógeðslegt og langt og erfitt að komast að vötnunum en þeim mun meira var drukkið, etið, farið í sánu og spilað yatzy... Eftir tveggja nótta dvöl þar héldum við áfram og alla leið á Reykjanes í Ísafjarðardjúpi. Þar gistum við eina nótt og fórum m.a. í stærsta heita pott landsins, 50 m sundlaug sem er hituð upp með sjálfrennandi heitu vatni, hreint yndislegt alveg. Að vísu fullheitt á köflum en ljúft engu að síður. Á mánudaginn fórum við svo í meiri veiði, að þessu sinni í Laugardalsá í Ísafjarðardjúpi. Þar vorum við í tvo daga við veiðar með familíunni. 13 laxar komu á land og þar af fékk Jói einn en ég engan. Hins vegar fékk ég bónorð og hring í staðinn svo að ég læt það nú vera... Svo kemur maður bara heim í sól og blíðu og hlakkar til helgarinnar sem er óvenju skammt undan í upphafi vinnuvikunnar!

Jess!

Jess, jess, jess, jess!

Myndablogg

Myndina sendi ég

Powered by Hexia

Bla

Ég verð greinilega óskrifandi svona veik. Mjög skrýtin setning í færslunni hér á undan um brjóstahaldara...

Er annars enn veik en samt skárri. Ákvað að vera heima í dag þar sem ég var með hita í gærkvöldi. Verst að ég er búin með Rome, verð að finna mér annað sjónvarpsefni til að horfa á í dag. Mæli aftur með þessum þáttum, svaka fínir.

Búhúhú...

Ég er veik heima:( Með ógeðslegt kvef og hita. Algjör vibbi! Vona að þetta verði búið fyrir helgina þar sem stefnan er sett á ferðalag innalands. Planið er að vera í húsi í Dölunum fram á sunnudag, einhvers staðar annars staðar fram á mánudag og svo er veiði frá mánudegi til miðvikudags í Ísafjarðardjúpi. Ágætt kannski að klára veikindin núna, þá er það búið fyrir ferðalagið.

Hef stytt mér stundir við að horfa á Rome. Þurfti til dæmis að vera veik í dag líka til að klára seríuna... nei, segi svona. Þetta eru samt þrælfínir þættir, svaka plott og fullt af nöktu fólki. Tilbreyting að horfa á e-ð frá Ameríku þar sem fólk er ekki í brjóstahöldurum í rúminu.

Talandi um sjónvarp, lokaþátturinn af Lost í gær og lokaþátturinn af Desperate Housewives á fimmtudag! Hvað gerir maður þá? Bíður eftir meira Alias og Sopranos eða eitthvað, vonandi tekur allavega eitthvað spennandi við...

Allez la France!

Já, ég spáði þessu nú áður en keppnin byrjaði. Að vísu spáði ég Frökkum heimsmeistaratitlinum og sú spá getur enn vel ræst. Mig minnir meiraðsegja að ég hafi veðjað við e-ð fólk seint um nótt eftir brúðkaup um daginn en verst að enginn man eftir því. Ég er allavega viss um að enginn þykist muna eftir því þar sem hinir veðjuðu á Argentínu, England, Brasilíu, Þýskaland og einhver svona lúðalið sem eru flest farin heim. Ansans, ég hefði getað orðið nokkrum bjórkippum ríkari...

Snilld

Ef ykkur leiðist þá er þetta aaalgjör snilld. Textaðu þína eigin Bollywood mynd. Eða allavega smábrot. Ég var að prófa þetta hér og hér. Ógeðslega gaman...

Svo segi ég bara liggaliggalái, ég á líka miða!

Við erum svín!

Geeeðveikir tónleikar í gærkvöldi. Ham komu aftur, sáu og gjörsigruðu salinn. Þvílíkt rokk og ról! 9-11´s hituðu upp berir að ofan í leðurbuxum með sítt hár, ófrumleg tónlist en þétt þungarokk. Svo komu snillingarnir og spiluðu í rúman klukkutíma og spiluðu allt það helsta. Nema Voulez-vous. Sveitt stuð!

Ég rétt náði miða á Nick Cave í gær. Var fyrir framan tölvuna á slaginu 10, tilbúin að kaupa miða en kerfið hjá mida.is höndlaði greinilega ekki álagið. Ég var komin með miða framarlega fyrir miðju þegar kom "system error" og ekki hægt að kaupa. Var á tímabili með tvær tölvur fyrir framan mig að reyna að kaupa en allt í rugli. Loksins fór pöntunin í gegn og ég að fara í fjórða skiptið að sjá meistarann. Ekki á fremsta bekk en ég hef svosum verið þar áður. Jibbí!

Meiri tónleikar framundan, Belle and Sebastian næst á dagskrá í lok júlí. Aðeins huggulegra en Ham, satt best að segja.

Róleg helgi svo framundan, spennandi fótbolti í dag og á morgun. Gaman...

Frábær föstudagur!

Þá vitum við það, í dag er besti dagur ársins!

Hahahahaha

Skemmtilegt...

Maður getur alveg gleymt sér á þessari síðu. Allskonar myndbönd frá 9. áratugnum, bæði gott og slæmt. Ef ykkur leiðist þá getur þetta bjargað.

Magnaður miðvikudagur

Sólin skín í heiði og Dylan karlinn hljómar í eyrunum. Netið heima er komið í lag og ég get því hætt að tuða í OgVodafone í bili. Týnt lag kom í leitirnar í gær eftir 12 ára leit. Hörkufótbolti í gærkvöldi og kannski jafnvel í kvöld. Já, life is sweet eins og sungið var um í den.

Myglaður mánudagur

Ljómandi fínni helgi lokið og grámyglan tekin við. Fór í afskaplega fínt matarboð á föstudaginn þar sem var dýrindis fiskisúpa á borðum og ljúffeng ostakaka í eftirrétt. Fór þó heim fyrir miðnætti þó það hafi verið gaman til að vakna fersk í þjóðhátíðarveiðina. Dúðaði mig í lopapeysu og regngalla frá toppi til táar en engin var rigningin. Meiraðsegja varð aðeins of heitt á tímabili. Keypti einmitt regngallann sérstaklega fyrir sautjándann í fyrra og þá var nú besta veður í manna minnum. Kaupi nýja regnhlíf á næsta ári eða eitthvað. Engin var þó veiðin í ár en ein flundra slapp naumlega af öngli Þórdísar. Þjóðlegt hangikjöt var á borðum eftir æsispennandi handbolta og fótbolta í Dísukoti. Helginni var svo lokið með því að þrífa sameign (reyndar Jói en ekki ég...) og klára að setja saman Ikea skápinn fræga.

Svo er bara að vinnast.

Ikea raunir

Hafa ekki allir lent einhvern tímann í Ikea raunum? Vara ekki til en væntanleg þegar maður er loksins búinn að velja, vara búin í litnum sem maður hefur verið að kaupa og kemur ekki aftur o.s.frv. Við erum búin að vera tíðir gestir í Ikea undanfarnar vikur vegna íbúðarinnar og yfirleitt hafa hlutirnir gengið ágætlega fyrir sig og við bara ánægð með vörurnar. Svo keyptum við okkur fataskáp til að setja yfirhafnir og slíkt í eftir langa umhugsun og pælingar um hvernig væri best að hafa þetta. Það gekk allt hefðbundið fyrir sig, við sóttum hann á lagerinn og burðuðumst með hann heim (níðþungur andskoti) og höfðum hann svo í kassanum í nokkra daga þar sem við náðum aldrei að setja hann saman. Loksins þegar var komið að því að setja saman skápinn (að kveldi mánudags dauðans) kom í ljós að þetta var VITLAUS SKÁPUR! Við fengum einfaldan skáp en ætluðum að kaupa tvöfaldan. Grrrr. Mér var ekki skemmt, svo vægt sé til orða tekið, kassinn tættur í sundur og kassakvittunin týnd. Ég þakka enn fyrir það að skyldi vera búið að loka þetta kvöld því að ég var tilbúin að hella mér duglega yfir aumingja starfsfólkið í Ikea. Daginn eftir sendi ég hins vegar mjög kurteislegt tölvubréf til Ikea þar sem ég skýrði frá þessu og var lofað að ég gæti skilað þessu þó að kassinn væri rifinn upp og kvittunin týnd. Í gær drusluðum við (eða Jói) skápnum aftur í Ikea, fengum fyrirtaks þjónustu og fría heimsendingu á nýja skápnum sem nú er næstum því búið að setja saman. Happy ending og allir kátir. Mórall: Það borgar sig að vera kurteis!

Hann var á!

Nú er ég montin yfir fjölskyldunni...

Zzzzzzz

Meira hvað mann syfjar svona seinnipart dags. Sérstaklega þegar maður situr einn úti í horni og er að lesa sér til um miðmynd. Svo vantar mig líka tónlist í vinnuna. Verð að fara að gera eitthvað í því þó að hún pandóra hafi dugað ágætlega hingað til. Þetta lagast líka í vikunni þegar við fáum aðgang að tölvustofu nokkur saman, þá getur maður farið að geispa í takt við aðrar sálir.

Svindl þessi skítakuldi úti. Sól og kalt eða rigning og hlýtt. Hvað á það að þýða? Ætli það verði ekki blautur sautjándi í ár. Veðrið í fyrra endurtekur sig sennilega ekki næstu árin, jafnvel áratugina svo maður sé nú ekki of bjartsýnn.

Þrettándinn í dag sem þýðir að stóra systir á stórafmæli. Til lukku gamla mín! Allt er fertugum fært og allt það. Tilefni til að mæta í afmælismat í kvöld allavega.

Jæja, mætir bossinn. Þá fer maður að vinna.

9. júní

Þetta fer að verða svona vikuleg skýrsla hjá mér: þetta gerði ég í vikunni og svona verður helgin ... blablabla. Allavega: Síðasta helgi var frábær, æðislegt brúðkaup, dansað og djammað fram á nótt, sumarnótt í júní, æði. Vikan bissí, vinna á fullu og gera klárt fyrir innflutningsafmælisboð í kvöld. Mikið þreytt á kvöldin núna. Í dag: afmæli og HM í fótbolta. Jói karlinn á afmæli í dag, til hamingju með það! Af því tilefni fyrrnefnt boð í fínni íbúð.

Verst finnst mér að hafa ekki Sýn til að horfa á boltann. Mér finnst gaman að horfa á HM, stælta gæja fara úr að ofan, já og svo auðvitað leikina líka (ehemm...). Ég er á móti Sýn, þeir rukka 14.000 kall fyrir þennan mánuð! Glætan spætan að ég fari að splæsa í það. Eða að taka fleiri en einn mánuð, til hvers? Allir sem eru með Sýn fá því heimsóknir frá okkur næstu vikurnar. Svo er líka bara hægt að skella sér á Players...

Bloggast í miðmynd

Í sumar ætla ég að leitast við að notast sem mest við st-sagnir, sagnir sem enda á -st. Ég ábyrgist ekki að það takist en vonast til að það heppnist. Ég efast einnig um að þið kannist við þær allar en sumar virðast ansi furðulegar. Þetta verður hluti af sumarvinnunni minni, sagnirnar hrúgast upp í tölvunni minni og munu þar flokkast og greinast eftir stöðu og merkingu. Skemmtilegt, ekki satt?

Um helgina ætlar góð vinkona mín að giftast og yfir því ber að gleðjast. Fólk ætlar að hittast í þar til gerðri búðkaupsveislu og kætast í tilefni dagsins. Ég er viss um að veitingarnar bragðast vel þar á bæ. Það á því ekkert að ferðast innanlands um helgina þó að það spái 20 stiga hita fyrir norðan. Frekar á eitthvað að gerast í íbúðinni, gluggar að lakkast og loft að málast. Sjáumst!

Definitely not...

Ég er nú ekki alveg sammála þessu vali...

Fimmtudagur

Enn og aftur er að koma helgi. Sú síðasta var stórskemmtileg í sumarbústað með tilheyrandi grilli, bjór, heitum potti og júróstemmningu. Allir trylltust af gleði þegar Finnland vann og var ákveðið að fara til Helsinki til að sjá keppnina 2007. Skilst mér að margir Íslendingar ætli að gera hið sama!

Alltaf er svo eitthvað um að vera um helgar því að á laugardaginn er stúdentsútskrift í sveitinni þar sem frænka mín útskrifast úr Menntaskólanum að Laugarvatni. Það verður því enn ein sveitahelgin hjá mér. Ekki skrýtið að maður komi aldrei neinu í verk í íbúðinni!

Föstudagur

Ég er búin að eiga mjög ánægjulega tónleikaviku þessa vikuna. Á miðvikudagskvöldið sá ég CocoRosie á Nasa, mjög spes systur sem gera mjög spes en flotta tónlist. Í gær fór ég svo í Fríkirkjuna að sjá Slowblow, Smog og Joönnu Newsom. Tónleikarnir voru alveg æði og var Joanna sjálf hápunkturinn, pínulítil stelpa með risastóra hörpu sem syngur eins og ég veit ekki hvað! Alveg þess virði að missa af Eurovision fyrir þetta.

Í dag á svo að fara í Eurovisionsumarbústaðaferð og horfa á keppnina á morgun af miklum áhuga þótt Silvía greyið hafi dottið út. Það voru hreint ömurleg lög að fara áfram á meðan önnur sátu eftir. Þó að það komi kannski ekkert svakalega á óvart með Silvíu þá voru önnur lög víst mjög líkleg áfram sem sitja eftir. Þetta er bara svipað og með Selmu í fyrra, lögin virðast ekki skipta öllu máli heldur löndin. Það þarf orðið að hafa sér Eurovision fyrir A-Evrópu svo að hin löndin eigi séns! Finnland fór þó áfram og nú eiga allir að kjósa Lordi á morgun. Áfram Finnland!!!

Mánudagur

Ég tek það fram að ég var ekki að grilla morgunmat þótt myndin hérna að neðan hafi komið inn í morgun. Það er bara búið að vera vesen með að senda myndskilaboð úr símanum um helgina þannig að það virkaði ekkert fyrr en í morgun. Þetta er vesenið við að skipta um símafyrirtæki, ég þoli ekki þegar hlutirnir virka ekki!

Annars vorum við svaka villt á föstudaginn, fórum í Elko og keyptum ísskáp og þvottavél! Það er ÆÐI að vera með þvottavél inni á baði en ekki e-s staðar í kjallara. Ég er búin að vera að þvo stanslaust síðan í gær og horfi með aðdáunaraugum á vélina og klappa henni þess á milli. Ísskápurinn er nú ekki síðri, það eina er að hann er svo stór að ég næ varla upp í efstu hilluna. Jói ætlar að geyma bjórinn alltaf þar...

Vantar annars einhvern ísskáp gefins? Þetta er ágætur gamall ísskápur sem heyrist að vísu soldið í en ef þið vitið um einhvern sem vantar ísskáp (með frystihólfi og allt) og getur sótt hann má láta mig vita.

Myndskilaboð

Æ, ég væri nú alveg til í nytt grill, t.d. gasgrill!

Myndina sendi ég

Powered by Hexia

Föstudagur

Það er ekkert grín að þykjast vera að vinna heima hjá sér þessa dagana. Maður freistast miklu frekar til að fara bara út í sólina og slæpast! Svo horfir maður á alla kassana í kringum sig og vill raða öllu upp á sinn stað. En það dugar ekki að væla, einhvern veginn verður maður að vinna fyrir þessari blessuðu íbúð! Ég er svo búin að fá vinnu fram á haustið sem ég byrja í 1. júní en hún felst víst í því að rannsaka afturbeygingu og miðmynd í íslensku... Spennó! Það verður fínt þar sem það verður unnið uppi í Háskóla og þá kemst maður aðeins út á daginn. Að vísu labba ég ekki í vinnuna eins og í fyrrasumar!

Annars er bara stuð framundan, rólegheitahelgi og síðan tvennir tónleikar í næstu viku. Aðrir tónleikarnir að vísu þegar undankeppni Júróvisjón er en ég tek hana bara upp og horfi á hana eftir tónleikana. Svo er sumarbústaðaferð eftir viku og þá verður sko horft á júró, jafnvel þótt Silvía Nótt verði sjálfsagt ekki með þar...

Úúú...

Spurning um að fara að gera e-ð af viti fyrst það er ekki lengra í þetta...

How Will I Die Quiz You will die at the age of 45 You will die in a freak accident with a stripper pole Find out how you will die at Quizopolis.com

Flutt!

Það hefur aldeilis verið mikið að gera síðustu vikurnar. Við fengum íbúðina afhenta á sumardaginn fyrsta og strax daginn eftir var tekið til við að mála. Og það var málað og málað og málað og þrifið. Svo fluttum við á fimmtudaginn var og þá pakkað og flutt og flutt og þrifið meira. Meira hvað maður getur skitið út eina íbúð á smátíma! Þegar maður var orðinn algerlega dauður af því að pakka, þrífa og flytja var blásið til fermingar í sveitinni þar sem hún Þórdís litla frænka (sem er ekki svo mjög lítil lengur) fermdist á sunnudaginn. Þar þurfti heldur betur að taka til hendinni þar sem veislan var haldin í heimahúsi og tóku við enn meiri þrif! Að vísu fékk ég hlutverk tæknistjóra sem var mun þægilegra, enda voru lappirnar þarna við það að detta af mér. Fermingarveislan heppnaðist með endemum vel og voru kræsingar á boðstólum eins og kengúra, dádýr, heimaveiddur og heitreyktur lax, sniglar, lamb, naut, grillaður (og heimaveiddur) lax o.s.frv. o.s.frv... Næstum því eins og gott laugardagskvöld á Valdastöðum! Eftir þessa frábæru veislu þurfti svo að fara í bæinn að þrífa meira þar sem Eggertsgatan var ekki búin. Í dag er svo loksins búið að skila lyklunum þar svo að það er hægt að fara að einbeita sér að nýja heimilinu þar sem allt er á hvolfi í augnablikinu. Síminn og netið fóru fyrst af stað í dag þannig að það er allt að komast í samt lag. Nú fer maður að verða fastagestur í Ikea og Rúmfatalagernum, Byko og Húsasmiðjunni til að kaupa hitt og þetta sem mann bráðvantar (og allt hitt sem mann langar bara í!). Allir eru velkomnir í heimsókn til að skoða pleisið, látið okkur bara vita fyrst!

Það er komið sumar... dúbídúbídú

Gleðilegt sumar! Já, sumarið er gengið í garð við fengum íbúðina afhenta á sumardaginn fyrsta! Jibbí! Við fengum lyklana sem sagt á fimmtudagskvöld og fengum smásjokk... ekkert slæmt samt. Það var bara svo skrýtið að sjá íbúðina svona tóma og þá sást vel hversu illa máluð hún er af fyrri eigendum. Það var því drifið í því í gær að byrja að mála pleisið og vorum við þar í allan gærdag að sparsla, pússa, teipa og mála. Þetta verður allt annað þegar er búið að mála þetta og hlökkum við bara mikið til að flytja, enda var ég vöknuð hálfníu í morgun til að hugsa um allt sem á eftir að gera og kaupa! Fólk er svo velkomið að kíkja í heimsókn næstu daga en við flytjum síðan alfarið eftir helgi þar sem við þurfum að skila Eggertsgötunni fyrir mánaðamót.

Picture(3.jpg

Ahh, gódur sirkusinn á Bjórnum... Nei, bjórinn á Sirkus!

Myndina sendi ég

Powered by Hexia

Picture(3.jpg

Fullt af Scrabble um páskana

Myndina sendi ég

Powered by Hexia

Picture(3.jpg

Myndina sendi ég

Powered by Hexia

Picture(3.jpg

Brádnaudsynleg bók í föstudags langa bíltúrinn!

Myndina sendi ég

Powered by Hexia

Picture(3.jpg

Myndina sendi ég

Powered by Hexia

Páskavikan

Páskavikan runnin upp og heljarinnar frí framundan. Að sjálfsögðu verður páskunum sjálfum eytt í sveitinni að venju og er framundan mikið át og spilirí og gaman! Það er meira að segja búið að gera dagskrá fyrir páskana á Valdastöðum svo að ekkert gleymist - Scrabblið, félagsvistin, spurningakeppni fjölmiðlanna á Rás 2 og föstudags langi bíltúrinn svo eitthvað sé nefnt:)

Um síðustu helgi fórum við í sumarbústað í Húsafelli, svona rétt til að lengja páskafríið. Komum meira að segja ekki heim fyrr en í gær þar sem við vorum ekki að vinna. Það er því rétt að maður stoppi í tvo daga í bænum áður en næsta sveitaferð brestur á.

Dagana notar maður svo annars í að pakka niður bókum og öðru dóti því vonandi fáum við afhent helgina eftir páska. Að vísu er ég í smávinnu núna við orðasafnið sem ég vann í fyrrasumar en annað er ekki frágengið enn. Það bjargast vonandi!

Hafið það gott um páskana börnin góð!