Ég tek það fram að ég var ekki að grilla morgunmat þótt myndin hérna að neðan hafi komið inn í morgun. Það er bara búið að vera vesen með að senda myndskilaboð úr símanum um helgina þannig að það virkaði ekkert fyrr en í morgun. Þetta er vesenið við að skipta um símafyrirtæki, ég þoli ekki þegar hlutirnir virka ekki!
Annars vorum við svaka villt á föstudaginn, fórum í Elko og keyptum ísskáp og þvottavél! Það er ÆÐI að vera með þvottavél inni á baði en ekki e-s staðar í kjallara. Ég er búin að vera að þvo stanslaust síðan í gær og horfi með aðdáunaraugum á vélina og klappa henni þess á milli. Ísskápurinn er nú ekki síðri, það eina er að hann er svo stór að ég næ varla upp í efstu hilluna. Jói ætlar að geyma bjórinn alltaf þar...
Vantar annars einhvern ísskáp gefins? Þetta er ágætur gamall ísskápur sem heyrist að vísu soldið í en ef þið vitið um einhvern sem vantar ísskáp (með frystihólfi og allt) og getur sótt hann má láta mig vita.
15.5.06
12.5.06
Föstudagur
Það er ekkert grín að þykjast vera að vinna heima hjá sér þessa dagana. Maður freistast miklu frekar til að fara bara út í sólina og slæpast! Svo horfir maður á alla kassana í kringum sig og vill raða öllu upp á sinn stað. En það dugar ekki að væla, einhvern veginn verður maður að vinna fyrir þessari blessuðu íbúð! Ég er svo búin að fá vinnu fram á haustið sem ég byrja í 1. júní en hún felst víst í því að rannsaka afturbeygingu og miðmynd í íslensku... Spennó! Það verður fínt þar sem það verður unnið uppi í Háskóla og þá kemst maður aðeins út á daginn. Að vísu labba ég ekki í vinnuna eins og í fyrrasumar!
Annars er bara stuð framundan, rólegheitahelgi og síðan tvennir tónleikar í næstu viku. Aðrir tónleikarnir að vísu þegar undankeppni Júróvisjón er en ég tek hana bara upp og horfi á hana eftir tónleikana. Svo er sumarbústaðaferð eftir viku og þá verður sko horft á júró, jafnvel þótt Silvía Nótt verði sjálfsagt ekki með þar...
Annars er bara stuð framundan, rólegheitahelgi og síðan tvennir tónleikar í næstu viku. Aðrir tónleikarnir að vísu þegar undankeppni Júróvisjón er en ég tek hana bara upp og horfi á hana eftir tónleikana. Svo er sumarbústaðaferð eftir viku og þá verður sko horft á júró, jafnvel þótt Silvía Nótt verði sjálfsagt ekki með þar...
2.5.06
Úúú...
Spurning um að fara að gera e-ð af viti fyrst það er ekki lengra í þetta...
|
Flutt!
Það hefur aldeilis verið mikið að gera síðustu vikurnar. Við fengum íbúðina afhenta á sumardaginn fyrsta og strax daginn eftir var tekið til við að mála. Og það var málað og málað og málað og þrifið. Svo fluttum við á fimmtudaginn var og þá pakkað og flutt og flutt og þrifið meira. Meira hvað maður getur skitið út eina íbúð á smátíma! Þegar maður var orðinn algerlega dauður af því að pakka, þrífa og flytja var blásið til fermingar í sveitinni þar sem hún Þórdís litla frænka (sem er ekki svo mjög lítil lengur) fermdist á sunnudaginn. Þar þurfti heldur betur að taka til hendinni þar sem veislan var haldin í heimahúsi og tóku við enn meiri þrif! Að vísu fékk ég hlutverk tæknistjóra sem var mun þægilegra, enda voru lappirnar þarna við það að detta af mér. Fermingarveislan heppnaðist með endemum vel og voru kræsingar á boðstólum eins og kengúra, dádýr, heimaveiddur og heitreyktur lax, sniglar, lamb, naut, grillaður (og heimaveiddur) lax o.s.frv. o.s.frv... Næstum því eins og gott laugardagskvöld á Valdastöðum! Eftir þessa frábæru veislu þurfti svo að fara í bæinn að þrífa meira þar sem Eggertsgatan var ekki búin. Í dag er svo loksins búið að skila lyklunum þar svo að það er hægt að fara að einbeita sér að nýja heimilinu þar sem allt er á hvolfi í augnablikinu. Síminn og netið fóru fyrst af stað í dag þannig að það er allt að komast í samt lag. Nú fer maður að verða fastagestur í Ikea og Rúmfatalagernum, Byko og Húsasmiðjunni til að kaupa hitt og þetta sem mann bráðvantar (og allt hitt sem mann langar bara í!). Allir eru velkomnir í heimsókn til að skoða pleisið, látið okkur bara vita fyrst!
22.4.06
Það er komið sumar... dúbídúbídú
Gleðilegt sumar! Já, sumarið er gengið í garð við fengum íbúðina afhenta á sumardaginn fyrsta! Jibbí! Við fengum lyklana sem sagt á fimmtudagskvöld og fengum smásjokk... ekkert slæmt samt. Það var bara svo skrýtið að sjá íbúðina svona tóma og þá sást vel hversu illa máluð hún er af fyrri eigendum. Það var því drifið í því í gær að byrja að mála pleisið og vorum við þar í allan gærdag að sparsla, pússa, teipa og mála. Þetta verður allt annað þegar er búið að mála þetta og hlökkum við bara mikið til að flytja, enda var ég vöknuð hálfníu í morgun til að hugsa um allt sem á eftir að gera og kaupa! Fólk er svo velkomið að kíkja í heimsókn næstu daga en við flytjum síðan alfarið eftir helgi þar sem við þurfum að skila Eggertsgötunni fyrir mánaðamót.
20.4.06
17.4.06
15.4.06
14.4.06
13.4.06
11.4.06
Páskavikan
Páskavikan runnin upp og heljarinnar frí framundan. Að sjálfsögðu verður páskunum sjálfum eytt í sveitinni að venju og er framundan mikið át og spilirí og gaman! Það er meira að segja búið að gera dagskrá fyrir páskana á Valdastöðum svo að ekkert gleymist - Scrabblið, félagsvistin, spurningakeppni fjölmiðlanna á Rás 2 og föstudags langi bíltúrinn svo eitthvað sé nefnt:)
Um síðustu helgi fórum við í sumarbústað í Húsafelli, svona rétt til að lengja páskafríið. Komum meira að segja ekki heim fyrr en í gær þar sem við vorum ekki að vinna. Það er því rétt að maður stoppi í tvo daga í bænum áður en næsta sveitaferð brestur á.
Dagana notar maður svo annars í að pakka niður bókum og öðru dóti því vonandi fáum við afhent helgina eftir páska. Að vísu er ég í smávinnu núna við orðasafnið sem ég vann í fyrrasumar en annað er ekki frágengið enn. Það bjargast vonandi!
Hafið það gott um páskana börnin góð!
Um síðustu helgi fórum við í sumarbústað í Húsafelli, svona rétt til að lengja páskafríið. Komum meira að segja ekki heim fyrr en í gær þar sem við vorum ekki að vinna. Það er því rétt að maður stoppi í tvo daga í bænum áður en næsta sveitaferð brestur á.
Dagana notar maður svo annars í að pakka niður bókum og öðru dóti því vonandi fáum við afhent helgina eftir páska. Að vísu er ég í smávinnu núna við orðasafnið sem ég vann í fyrrasumar en annað er ekki frágengið enn. Það bjargast vonandi!
Hafið það gott um páskana börnin góð!
31.3.06
Bakkabúinn
Við erum loksins búin að skrifa undir kaupsamning! Jibbí! Við fáum afhent 22. apríl, vonandi allavega, og höfum þá viku til að mála, þrífa og flytja. Vá hvað ég hlakka til! Hér eru nokkrar myndir af slotinu:
Borðstofan/Stofan. Þarna er gengið út á grillsvalirnar...
Eldhúsið/Borðstofan.
Stofan.
Gangurinn, þarna sést í inngang inn í herbergin og baðherbergi.
Þetta er svo húsið, okkar íbúð merkt með rauðu.
Já, svona lítur það út. Þá getum við farið að bjóða fólki í almennilegt grill og innflutningspartí og, tja, bakkelsi... Nóg pláss og allt!
Borðstofan/Stofan. Þarna er gengið út á grillsvalirnar...
Eldhúsið/Borðstofan.
Stofan.
Gangurinn, þarna sést í inngang inn í herbergin og baðherbergi.
Þetta er svo húsið, okkar íbúð merkt með rauðu.
Já, svona lítur það út. Þá getum við farið að bjóða fólki í almennilegt grill og innflutningspartí og, tja, bakkelsi... Nóg pláss og allt!
27.3.06
21.3.06
In the ghetto...
Það er orðið ansi langt síðan ég hef skrifað eitthvað hérna en ég hef einhvern veginn ekki nennt að standa í því, sérstaklega þar sem allt er búið að vera í óvissu með íbúðamál, vinnumál og fleira skemmtilegt. Nú er þetta hins vegar allt að skýrast. Við erum sennilega að fara að kaupa okkur íbúð í gettóinu. Já, nú ætlum við að flytja í Breiðholtið, nánar tiltekið í Grýtubakkann. Þetta varð niðurstaðan eftir mikla leit og fáránlega hátt fasteignaverð alls staðar. Íbúðin er 3 herbergja og mjög rúmgóð og björt. Að vísu erum við ekki búin að skrifa undir neitt en málin eru í vinnslu í bankanum og svoleiðis og vonandi verður gengið frá þessu í þessari eða næstu viku. Jibbí!
Annars eru vinnumálin óljós enn, ég fékk að vísu smáverkefni tímabundið en er að bíða eftir svörum með annað. Það skýrist líka vonandi allt saman á næstunni. Nóg að gera sem sagt þessa dagana! Fylgist spennt með...
Annars eru vinnumálin óljós enn, ég fékk að vísu smáverkefni tímabundið en er að bíða eftir svörum með annað. Það skýrist líka vonandi allt saman á næstunni. Nóg að gera sem sagt þessa dagana! Fylgist spennt með...
11.3.06
Lördag
Þetta er mjög, mjög illa skrifuð frétt. Ég skil alveg að sá sem skrifar hafi verið þreyttur fyrir klukkan sjö í morgun - en samt! Nöfn foreldra hennar eru ekki einu sinni beygð!
Ég dreif mig í bíó í vikunni sem þykir teljast til tíðinda þessa dagana. Fór á Walk the Line sem er alveg frábær. Tónlistin auðvitað mjög skemmtileg og alveg nauðsynlegt að heyra hana í bíó. Enda er ég búin að vera með Cash á heilanum og í græjunum síðan og kom sér vel að eiga alla þessa diska með honum sem ég fékk í útskriftargjöf! Saga hans og June er líka svo falleg og leikararnir ná að gera þetta allt mjög vel. Og svo syngja leikararnir sjálfir í myndinni - sem er ótrúlegt en satt. Mæli sem sagt með myndinni alveg hiklaust.
Sá líka The Constant Gardener á dögunum og mæli með henni. Og það ekki bara af því að Ralph Fiennes foli leikur í henni heldur er myndin alveg svakalega góð.
Talandi um bíómyndir, ég sá eitthvað af Bafta verðlaununum um daginn. Þar var Rachel Weisz tilnefnd sem besta leikkona í aðalhlutverki (en Reese Witherspoon vann) en svo vann hún Óskarinn fyrir besta leik í aukahlutverki... Skil þetta ekki alveg.
Annars er algjör rólegheitahelgi hér á bæ. Ekkert planað nema vídeó í kvöld bara. Það er reyndar mjög fínt þar sem síðustu tvær helgar hafa farið í veislur og læti.
Ég dreif mig í bíó í vikunni sem þykir teljast til tíðinda þessa dagana. Fór á Walk the Line sem er alveg frábær. Tónlistin auðvitað mjög skemmtileg og alveg nauðsynlegt að heyra hana í bíó. Enda er ég búin að vera með Cash á heilanum og í græjunum síðan og kom sér vel að eiga alla þessa diska með honum sem ég fékk í útskriftargjöf! Saga hans og June er líka svo falleg og leikararnir ná að gera þetta allt mjög vel. Og svo syngja leikararnir sjálfir í myndinni - sem er ótrúlegt en satt. Mæli sem sagt með myndinni alveg hiklaust.
Sá líka The Constant Gardener á dögunum og mæli með henni. Og það ekki bara af því að Ralph Fiennes foli leikur í henni heldur er myndin alveg svakalega góð.
Talandi um bíómyndir, ég sá eitthvað af Bafta verðlaununum um daginn. Þar var Rachel Weisz tilnefnd sem besta leikkona í aðalhlutverki (en Reese Witherspoon vann) en svo vann hún Óskarinn fyrir besta leik í aukahlutverki... Skil þetta ekki alveg.
Annars er algjör rólegheitahelgi hér á bæ. Ekkert planað nema vídeó í kvöld bara. Það er reyndar mjög fínt þar sem síðustu tvær helgar hafa farið í veislur og læti.
8.3.06
Ekki vitlaust!
You scored as Linguistics. You should be a Linguistics major!
What is your Perfect Major? (PLEASE RATE ME!!<3) created with QuizFarm.com |
6.3.06
3.3.06
Á barmi heimsfrægðar?
Ég lenti í mjög skrýtnu í dag. Var búin að koma mér fyrir til að horfa á bíómynd (enn ekki farin að vinna...) þegar síminn hringir. Þá er það stúlka frá Fréttablaðinu sem segist vilja taka viðtal við mig fyrir dálkinn „tímamót“ þar sem ég hafi verið að útskrifast úr Háskóla Íslands um síðustu helgi. Ég verð auðvitað mjög hissa og spyr hvort að það sé nú ekki aðallega eitthvað frægt fólk þarna (t.d. átti Þorvaldur Bjarni fertugsafmæli í dag og var þarna). Þá segir hún að það sé ekkert gaman að tala alltaf við sama fólkið og fannst forvitnilegt að ég hefði verið að útskrifast ein úr einhverju sem héti tungutækni. Ég lét þá bara til leiðast og tók stúlkan við mig stutt viðtal sem birtist í Fréttablaðinu á mánudaginn skilst mér! Ljósmyndari frá þeim kom svo og tók nokkrar myndir af mér fyrir framan Háskólann... mér leið pínu svona eins og í „America´s Next Top Model“, með vindinn í hárið og svona - nema að ég var auðvitað ekki á bikiní. Allir að skoða svo Fréttablaðið á mánudaginn:)
1.3.06
Miðvikudagur
Þá er maður rétt að ná sér eftir helgina, það varð hálfgert spennufall eftir laugardaginn. Dagurinn heppnaðist þó alveg frábærlega, við systur héldum afskaplega vel heppnað hanastél, þótt ég segi sjálf frá, og fórum svo út að borða á eftir hjá Sigga Hall á Óðinsvéum. Þar var Food and Fun í gangi og alveg svakalega góður matur. Mest á óvart kom þorskurinn sem ég hélt að hlyti að vera vondur en reyndist síðan það besta á matseðlinum!
Nú er ég að rembast við að útbúa stuttan fyrirlestur um verkefnið mitt sem ég á að halda í fyrramálið. Ég er hreint alveg dottin úr stuði til að skrifa nokkuð eða segja um verkefnið mitt. Kosturinn við þetta er að fyrirlesturinn er stuttur þannig að þetta verður ekkert stórmál. Samt erfitt að vera að gera eitthvað... úff, þarf að leggja mig!
Nú er ég að rembast við að útbúa stuttan fyrirlestur um verkefnið mitt sem ég á að halda í fyrramálið. Ég er hreint alveg dottin úr stuði til að skrifa nokkuð eða segja um verkefnið mitt. Kosturinn við þetta er að fyrirlesturinn er stuttur þannig að þetta verður ekkert stórmál. Samt erfitt að vera að gera eitthvað... úff, þarf að leggja mig!
Gerast áskrifandi að:
Færslur (Atom)
