Þá vitum við það...
28.11.05
25.11.05
Eeee...
Skáldajötunn
Þú ert nýjungagjarn, tilfinningaríkur innipúki.
Skáldajötunninn er svo opinn fyrir nýjungum á sviði lista og menningar að honum tekst að sjá list út úr óbreyttri skranhrúgu eða einmana slettu á striga. Skáldajötunninn tekur til í herberginu sínu og kallar það listrænan gjörning. Hann er mjög líklega með óskrifaða skáldsögu í hausnum eða óútgefna bók í skrifborðsskúffunni, þ.e. ef hann hefur ekki þegar fengið bók sína útgefna.
Skáldajötunninn lifir fyrir listina og myndi frekar kaupa blek fyrir fjaðurstafinn sinn heldur en brauðhleif þótt hann hefði farið án matar svo dögum skipti. Hann unir sér vel einn með eigin hyldjúpu hugsunum.
Hvaða tröll ert þú?
Hehe, ekki alveg - ég meina, án matar??!!
22.11.05
Þriðjudagur
Mikið svakalega voru nú White Stripes tónleikarnir góðir! Jakobínarína hituðu upp og voru mjög skemmtilegir þótt hjóðið hafi verið afleitt. Svo tóku þau Meg og Jack White við og voru bara tvö á sviðinu með þvílíka tónleika... Að vísu varð ég lítið vör við þessar breytingar sem átti að gera á sviðinu, allavega sá ég ekki mikið meira en venjulega á tónleikum þarna sem þýðir að sviðið hefur varla verið hækkað mikið. Held ég reyni að kaupa í stúku næst, gamla konan.
Næstu tónleikar á dagskrá hjá mér eru síðan Antony and the Johnsons 10. desember, á afmælisdegi pabba. Þeir verða í Fríkirkjunni sem er eflaust betri staður fyrir þá en Nasa þar sem var sussað á fólk til að heyra í tónlistinni. Það ættu allir að vera sæmilega edrú og þöglir í kirkju!
Þangað til er bara að læra og læra - og hananú! Þetta mjakast allt hjá mér, ég er núna í því skemmtilega hlutverki að telja saman hversu oft reglurnar virka hjá mér og hvernig ég get þá bætt þær... mjög skemmtilegt eða þannig, enda er ég að sofna hérna fram á lyklaborðið.
Næstu tónleikar á dagskrá hjá mér eru síðan Antony and the Johnsons 10. desember, á afmælisdegi pabba. Þeir verða í Fríkirkjunni sem er eflaust betri staður fyrir þá en Nasa þar sem var sussað á fólk til að heyra í tónlistinni. Það ættu allir að vera sæmilega edrú og þöglir í kirkju!
Þangað til er bara að læra og læra - og hananú! Þetta mjakast allt hjá mér, ég er núna í því skemmtilega hlutverki að telja saman hversu oft reglurnar virka hjá mér og hvernig ég get þá bætt þær... mjög skemmtilegt eða þannig, enda er ég að sofna hérna fram á lyklaborðið.
16.11.05
Íslensk tunga
Í dag, á degi íslenskrar tungu, stendur á forsíðu Blaðsins: „A STAR IS BORN“. Viðtal við Silvíu Nótt (Sylvía á forsíðunni - en Silvía inni í blaðinu) er síðan inni í blaðinu og er reyndar mjög fyndið, alveg ógeðslega töff skilurðu. Mér finnst hins vegar ekkert ógeðslega töff að hafa ensku á forsíðunni, það er alveg hægt að segja að stjarna sé fædd eða e-ð í þá áttina... samt tel ég mig ekki vera neinn sérstakan málfarsfasista. Blaðið er einstaklega slæmt í þessum málum og eru nánast daglega málfars- og stafsetningarvillur í því. Þetta er jú sama blaðið og auglýsti lamakjötið á dögunum... Þar sem ég á að vera að skrifa lokaritgerð um allt annað en málfar fannst mér tilvalið að fletta Blaðinu og leita eftir villum. Hér koma nokkrar:
-Í yfirlýsingu frá ríkistsjórninni... (bls. 2)
-Þeir sem höfðu orðið dukknir a.m.k. einu sinni
síðasta mánuðinn fjölgaði einnig...(bls. 2)
-Aðspurður segist Páll Magnússon, útvarpsstjóri, að tvær af fjórum
tilgreindum ráðningum snúi að sér... (bls. 4)
-Jón segir að tæknilegar ástæður hafi legið á bak við því að
auglýst viðtal... (bls. 6)
-...að þarna hefðu aðeins verið um tæknilega mistök að ræða. (bls.
6)
-Fyrirtækið Dreifing ehf. braut samkeppnislög með auglýsingum
sínunum... (bls. 6)
-...og varfundinn staður á næst öftustu síðu blaðsins. (bls. 14)
-...eftir fjörtíu ára aðskilnað... (bls. 28)
-Margar milljónir af lukkudýrum verða framleidd í formi gjafa- og
mynjavöru (bls. 30)
-Reglur sambandsins segja að liðum er ekki leyfilegt... (bls. 30)
-Smáborgaranum finnast bækur rosalega mikilvægar... (bls. 38)
Til hamingju með daginn!
-Í yfirlýsingu frá ríkistsjórninni... (bls. 2)
-Þeir sem höfðu orðið dukknir a.m.k. einu sinni
síðasta mánuðinn fjölgaði einnig...(bls. 2)
-Aðspurður segist Páll Magnússon, útvarpsstjóri, að tvær af fjórum
tilgreindum ráðningum snúi að sér... (bls. 4)
-Jón segir að tæknilegar ástæður hafi legið á bak við því að
auglýst viðtal... (bls. 6)
-...að þarna hefðu aðeins verið um tæknilega mistök að ræða. (bls.
6)
-Fyrirtækið Dreifing ehf. braut samkeppnislög með auglýsingum
sínunum... (bls. 6)
-...og varfundinn staður á næst öftustu síðu blaðsins. (bls. 14)
-...eftir fjörtíu ára aðskilnað... (bls. 28)
-Margar milljónir af lukkudýrum verða framleidd í formi gjafa- og
mynjavöru (bls. 30)
-Reglur sambandsins segja að liðum er ekki leyfilegt... (bls. 30)
-Smáborgaranum finnast bækur rosalega mikilvægar... (bls. 38)
Til hamingju með daginn!
15.11.05
Húsafell
Húsafell
Fellihýsi
Svona hljómaði ljóð sem ég sá í Lesbókinni um daginn... frumlegt. Það var þó ekki gist í fellihýsi í Húsafelli um helgina heldur í þessum fína sumarbústað sem vinahópurinn tók á leigu. Eins og sjá má af myndunum skorti ekki drykkina en það skorti heldur ekki matinn og nammið og naslið eins og gengur og leið manni eins og útblásnum hval á sunnudaginn! Mjög fín ferð sem sagt í alla staði og takk fyrir samveruna allir sem þarna voru!
Annað er nú ekki um að vera. Við ætlum að skella okkur á Africa United á eftir, eigum boðsmiða sem við þurfum að nýta okkur á meðan hún er í bíó. Hún var líka kosin heimildamynd ársins á Eddu verðlaununum, þeirri uppskúfuðu árshátíð... Hvað er málið að sýna þetta í beinni í 3 tíma í Sjónvarpinu og það er nánast allt tilnefnt sem hefur verið gert?! Ég meina, Reykjavíkurnætur??!! Það var hörmung! Ætli Kallakaffi verði ekki tilnefnt í öllum flokkum næst...
Fellihýsi
Svona hljómaði ljóð sem ég sá í Lesbókinni um daginn... frumlegt. Það var þó ekki gist í fellihýsi í Húsafelli um helgina heldur í þessum fína sumarbústað sem vinahópurinn tók á leigu. Eins og sjá má af myndunum skorti ekki drykkina en það skorti heldur ekki matinn og nammið og naslið eins og gengur og leið manni eins og útblásnum hval á sunnudaginn! Mjög fín ferð sem sagt í alla staði og takk fyrir samveruna allir sem þarna voru!
Annað er nú ekki um að vera. Við ætlum að skella okkur á Africa United á eftir, eigum boðsmiða sem við þurfum að nýta okkur á meðan hún er í bíó. Hún var líka kosin heimildamynd ársins á Eddu verðlaununum, þeirri uppskúfuðu árshátíð... Hvað er málið að sýna þetta í beinni í 3 tíma í Sjónvarpinu og það er nánast allt tilnefnt sem hefur verið gert?! Ég meina, Reykjavíkurnætur??!! Það var hörmung! Ætli Kallakaffi verði ekki tilnefnt í öllum flokkum næst...
12.11.05
11.11.05
9.11.05
Stíflueyðir
Svei mér þá ef það losnaði ekki aðeins um ritstífluna þarna með sölvunum... Ég er farin að skrifa og skrifa og ætla að reyna að skila einhverju í lok vikunnar svo ég geti nú farið í sumarbústaðinn með góðri samvisku. Gamla góða pressan virkar nefnilega alltaf og þegar maður er búinn að segjast ætla að skila einhverju þá er eins gott að standa við það!
Svo er bara að sjá hvort ég næ að vera búin með reglurnar og prófanir á þeim í tæka tíð fyrir útskriftarkokkteilinn í febrúar...
Mikið hrikalega er samt orðið dimmt úti, sérstaklega á morgnana þegar maður er að staulast á lappir. Það er nú eitt af því góða við jólin að þá er daginn farinn að lengja aftur:) Þangað til er bara að gera gott úr skammdeginu og kveikja á kertum...
Svo er bara að sjá hvort ég næ að vera búin með reglurnar og prófanir á þeim í tæka tíð fyrir útskriftarkokkteilinn í febrúar...
Mikið hrikalega er samt orðið dimmt úti, sérstaklega á morgnana þegar maður er að staulast á lappir. Það er nú eitt af því góða við jólin að þá er daginn farinn að lengja aftur:) Þangað til er bara að gera gott úr skammdeginu og kveikja á kertum...
8.11.05
Sölvína
Söl og sykurlaus ópal fara ekki vel saman í maga... vildi bara láta ykkur vita ef þið skylduð freistast!
7.11.05
Mánudagur
Vitiði það að ég er farin að hlakka til jólanna? Og nóvember rétt að byrja! Ætli þetta sé máttur Ikea auglýsinganna... ja, og reyndar allra hinna sem eru farnir að auglýsa jólavörur og jólaföt? Sennilega. Spurning samt hvaða mynd verður á blessuðu verkefninu um jólin. Æ, það kemur bara í ljós!
Fór uppeftir um helgina þar sem var rólegheita Scrabble helgi. Ég vann samt ekki. Annars eru miklir rólegheitadagar bara í gangi, það gerist ósköp lítið markvert og það er kannski ein ástæðan fyrir litlu bloggi þessa dagana. Næstu helgi á reyndar að fara í sumarbústað í Húsafelli sem verður örugglega rosa gaman. Jú, svo eru White Stripes að koma til landsins og það eru líka tónleikar með Antony and the Johnsons í desember. Svo eru bara komin jól!
Ég ætla samt að massa fræðikaflann í vikunni og hananú! Ef það á að stefna í útskrift í febrúar þá þýðir ekkert annað. Back to work - óverendát!
Fór uppeftir um helgina þar sem var rólegheita Scrabble helgi. Ég vann samt ekki. Annars eru miklir rólegheitadagar bara í gangi, það gerist ósköp lítið markvert og það er kannski ein ástæðan fyrir litlu bloggi þessa dagana. Næstu helgi á reyndar að fara í sumarbústað í Húsafelli sem verður örugglega rosa gaman. Jú, svo eru White Stripes að koma til landsins og það eru líka tónleikar með Antony and the Johnsons í desember. Svo eru bara komin jól!
Ég ætla samt að massa fræðikaflann í vikunni og hananú! Ef það á að stefna í útskrift í febrúar þá þýðir ekkert annað. Back to work - óverendát!
28.10.05
Það er komin vetrartíííð...
Ójá, á meðan það er 20 stiga hiti í Evrópu og fólk situr úti á kaffihúsum þá megum við bara frjósa í hel hérna á meðan það geisar snjóstormur og viðbjóður. Og ég ekki á vetrardekkjum... Ég sem ætlaði að hætta að kvarta og kveina hérna á síðunni! En það er bara ekki annað hægt núna, svei mér þá.
Nú stendur yfir íbúðaleit hjá okkur en þar sem útskrift er ráðgerð hjá mér í febrúar þá fáum við víst ekki að búa hér lengur en aðeins fram yfir það. Það er hins vegar ekkert grín að leita sér að íbúð þessa dagana. Sérstaklega þar sem kröfur okkar eru meiri en venjulega af illri nauðsyn: Ekki of margar tröppur, ekki of lágt brunabótamat, helst ekki úti í rassgati, þvottavél á sömu hæð o.s.frv... Það er því eins gott að byrja bara að leita strax svo að við lendum ekki á götunni með vorinu.
Annars er mikil rólegheitahelgi framundan. Pastasalat hjá pastasalatmeistaranum í kvöld (það er hún Anna Katrín ef þið föttuðuð þetta ekki...) og svo verður maður líklega angandi af hvítlauk það sem eftir er helgar. Skoða eins og eina íbúð á morgun og svo bara vídeó og leti.
Nú stendur yfir íbúðaleit hjá okkur en þar sem útskrift er ráðgerð hjá mér í febrúar þá fáum við víst ekki að búa hér lengur en aðeins fram yfir það. Það er hins vegar ekkert grín að leita sér að íbúð þessa dagana. Sérstaklega þar sem kröfur okkar eru meiri en venjulega af illri nauðsyn: Ekki of margar tröppur, ekki of lágt brunabótamat, helst ekki úti í rassgati, þvottavél á sömu hæð o.s.frv... Það er því eins gott að byrja bara að leita strax svo að við lendum ekki á götunni með vorinu.
Annars er mikil rólegheitahelgi framundan. Pastasalat hjá pastasalatmeistaranum í kvöld (það er hún Anna Katrín ef þið föttuðuð þetta ekki...) og svo verður maður líklega angandi af hvítlauk það sem eftir er helgar. Skoða eins og eina íbúð á morgun og svo bara vídeó og leti.
24.10.05
Mánudagur
Þá er Airwaves lokið og við tekur veturinn. Hátíðin í ár var mjög fín fyrir utan fáránlega langar raðir inn á suma staði þannig að maður komst ekki inn til að sjá það sem maður vildi. Á laugardagskvöldið lenti ég einmitt í því en var komin að Nasa um hálftíu og þá var fimmföld röð frá húsinu að Alþingi... Þá varð bara að virkja plan b og fara í Hafnarhúsið þar sem hin frábæru Zutons voru m.a. að spila. Mjög skemmtilegt!
Nú fer afsökunum hins vegar fækkandi fyrir því að klára ekki helv... nei, ég meina frábæra verkefnið mitt. Það koma dagar, og þeir eru reyndar fleiri en hinir, þar sem ég sit með störu á skjáinn og kem engu í verk. Legg nokkra kapla, blogga pínu, les blogg hjá öðrum, legg fleiri kapla, fer á leikjasíðu á netinu (úff, stórhættulegt!) og er svo að drepast í baki og öxlum á eftir. Spurning um að taka sér bara frí kl. 14:08! Halda svo áfram á morgun...
Nú fer afsökunum hins vegar fækkandi fyrir því að klára ekki helv... nei, ég meina frábæra verkefnið mitt. Það koma dagar, og þeir eru reyndar fleiri en hinir, þar sem ég sit með störu á skjáinn og kem engu í verk. Legg nokkra kapla, blogga pínu, les blogg hjá öðrum, legg fleiri kapla, fer á leikjasíðu á netinu (úff, stórhættulegt!) og er svo að drepast í baki og öxlum á eftir. Spurning um að taka sér bara frí kl. 14:08! Halda svo áfram á morgun...
21.10.05
Loftbylgjur og kindur
Já, þeir hafa löngum verið sérstakir þessir Kjósverjar... Gott hjá þessum að uppgötva heiminn en synd hvernig fyrir þeim fór!
Airwaves airwaves airwaves airwaves... Já, það er gaman á Airwaves. Hátíðin er hálfnuð og nóg eftir. Á miðvikudaginn var ég á Nasa allt kvöldið þar sem mjög svo misjafnir listamenn komu fram en þar var óvæntastur og skemmtilegastur Hermigervill. Í gær var flakkað á milli Hafnarhússins og Þjóðleikhúskjallarans þar sem snillingurinn José González bræddi lýðinn.
Í kvöld er það svo Gaukurinn og vonandi Nasa á morgun. Það er þó eins gott að vera ekki of seint á ferðinni til að komast hreinlega inn á staðina, það eru raðir út um allt. Spurning um að fjölga annaðhvort stöðunum eða fækka miðunum...
Airwaves airwaves airwaves airwaves... Já, það er gaman á Airwaves. Hátíðin er hálfnuð og nóg eftir. Á miðvikudaginn var ég á Nasa allt kvöldið þar sem mjög svo misjafnir listamenn komu fram en þar var óvæntastur og skemmtilegastur Hermigervill. Í gær var flakkað á milli Hafnarhússins og Þjóðleikhúskjallarans þar sem snillingurinn José González bræddi lýðinn.
Í kvöld er það svo Gaukurinn og vonandi Nasa á morgun. Það er þó eins gott að vera ekki of seint á ferðinni til að komast hreinlega inn á staðina, það eru raðir út um allt. Spurning um að fjölga annaðhvort stöðunum eða fækka miðunum...
18.10.05
Feneyjar austursins
Þá er maður kominn aftur af flóðasvæðunum fyrir austan. Já, Hornafjörður var á kafi um helgina og fólk sigldi bara á bátum um bæinn. Þetta var alveg ótrúlegt! Á leiðinni austur var hins vegar yndislegt veður, allt á kafi í snjó og glampandi sól. Svo var bara allt farið í bakaleiðinni og allt orðið grátt og blautt. Þrátt fyrir mikla rigningu og leiðindaveður var Hornafjarðarferðin alveg frábær eins og venjulega og mikið borðað og drukkið og farið í heita pottinn. Svo keypti ég mér meiraðsegja nýja strigaskó á Höfn fyrir Airwaves!
Iceland Airwaves er nefnilega að byrja í vikunni. Þetta verður algjör veisla í fjóra daga og af nógu að taka. Eins og í fyrra missir maður þó alltaf af einhverju en það fylgir þessu bara. Hins vegar þekki ég voða lítið til hljómsveitanna í ár en hlakka til að sjá José González sem ég hef verið að hlusta á.
Iceland Airwaves er nefnilega að byrja í vikunni. Þetta verður algjör veisla í fjóra daga og af nógu að taka. Eins og í fyrra missir maður þó alltaf af einhverju en það fylgir þessu bara. Hins vegar þekki ég voða lítið til hljómsveitanna í ár en hlakka til að sjá José González sem ég hef verið að hlusta á.
13.10.05
7.10.05
Andlaus
Ég er gjörsamlega andlaus í sambandi við verkefnið. Ég stari á tölurnar og setningarnar og fórna höndum... Er þetta hægt?! Mig langar helst að skríða upp í rúm og horfa á sjónvarpið en get það ekki því að þá fæ ég samviskubit og get ekki einbeitt mér að því. Ekki að ég geti einbeitt mér að verkefninu heldur! Úff...
Ég fór á svo skemmtilega mynd á kvikmyndahátíð í vikunni. Þetta var heimildarmynd um George Michael, gamla uppáhaldið mitt. Salurinn var fullur af gömlum Wham aðdáendum og tók fólk andköf þegar gömlu Wham lögin voru spiluð og ekki síður þegar Andrew Ridgeley birtist á skjánum. Það var virkilega gaman að sjá myndina og margt sem maður vissi ekki um feril hans og líf. Svo er hann bara svo aðlaðandi og skemmtilegur... auðvitað!
Og guð minn góður... íslenski bachelorinn. Vá hvað það er hræðilegt að horfa á þetta en samt verður maður. Svo er hann svo klígjulegur sjálfur, ég skil gelluna vel sem sagði bara nei við rósinni. Og plebbabragurinn á þessu, vá! Úff.. þetta er bara einum of hallærislegt. Mér finnst samt að hann hefði átt að gefa frænku minni rós en hún getur kannski bara prísað sig sæla stúlkan. Og af hverju heitir þetta ekki Piparsveinninn??
Ég fór á svo skemmtilega mynd á kvikmyndahátíð í vikunni. Þetta var heimildarmynd um George Michael, gamla uppáhaldið mitt. Salurinn var fullur af gömlum Wham aðdáendum og tók fólk andköf þegar gömlu Wham lögin voru spiluð og ekki síður þegar Andrew Ridgeley birtist á skjánum. Það var virkilega gaman að sjá myndina og margt sem maður vissi ekki um feril hans og líf. Svo er hann bara svo aðlaðandi og skemmtilegur... auðvitað!
Og guð minn góður... íslenski bachelorinn. Vá hvað það er hræðilegt að horfa á þetta en samt verður maður. Svo er hann svo klígjulegur sjálfur, ég skil gelluna vel sem sagði bara nei við rósinni. Og plebbabragurinn á þessu, vá! Úff.. þetta er bara einum of hallærislegt. Mér finnst samt að hann hefði átt að gefa frænku minni rós en hún getur kannski bara prísað sig sæla stúlkan. Og af hverju heitir þetta ekki Piparsveinninn??
4.10.05
Töluvert mál - lokasprettur
Þá er komið að því að hella sér aftur í lokaverkefnið - Töluvert mál. Það er soldið erfitt að byrja aftur þar sem frá var horfið en um leið bara gaman. Verkefnið hefur verið að gerjast einhvers staðar á bakvið í kollinum á mér þannig að það er gott að geta komið þeim hugmyndum niður á blað og farið að vinna með þær. En ég hlakka líka ekkert smá til að klára þetta...
Helgin var alveg þrælfín þótt veðrið hefði mátt vera betra. Ég veiddi tvo laxa og einn sjóbirting á meðan ýmist snjóaði á mig eða rigndi. Að venju var vel tekið til matar síns, enda verður maður svangur af allri útiverunni, og var þjóðlegur matur á laugardagskvöldið: heimareykt hangikjöt, svið, reykt nautatunga, rófustappa, jafningur, grænar baunir og hveitikökur! Enda var ég svo södd eftir matinn að ég hefði getað farið beint að sofa. Það varð þó ekki raunin heldur dreif liðið sig á skemmtistað sveitarinnar, Kaffi Kjós, þar sem Eyfi sjálfur spilaði á gítarinn. Það var alveg hreint ágætt þótt hann hafi nú ekki verið sem hressastur sjálfur. Hann er ekki týpan sem spilar óskalög og þegar einhver sagði „æ, ekki vangalag“ þá sagði hann hinn fúlasti: „Ég spila bara það sem mér sýnist sama hvað hver segir!“ Svo mörg voru þau orð.
Helgin var alveg þrælfín þótt veðrið hefði mátt vera betra. Ég veiddi tvo laxa og einn sjóbirting á meðan ýmist snjóaði á mig eða rigndi. Að venju var vel tekið til matar síns, enda verður maður svangur af allri útiverunni, og var þjóðlegur matur á laugardagskvöldið: heimareykt hangikjöt, svið, reykt nautatunga, rófustappa, jafningur, grænar baunir og hveitikökur! Enda var ég svo södd eftir matinn að ég hefði getað farið beint að sofa. Það varð þó ekki raunin heldur dreif liðið sig á skemmtistað sveitarinnar, Kaffi Kjós, þar sem Eyfi sjálfur spilaði á gítarinn. Það var alveg hreint ágætt þótt hann hafi nú ekki verið sem hressastur sjálfur. Hann er ekki týpan sem spilar óskalög og þegar einhver sagði „æ, ekki vangalag“ þá sagði hann hinn fúlasti: „Ég spila bara það sem mér sýnist sama hvað hver segir!“ Svo mörg voru þau orð.
Gerast áskrifandi að:
Færslur (Atom)
