Ójá, á meðan það er 20 stiga hiti í Evrópu og fólk situr úti á kaffihúsum þá megum við bara frjósa í hel hérna á meðan það geisar snjóstormur og viðbjóður. Og ég ekki á vetrardekkjum... Ég sem ætlaði að hætta að kvarta og kveina hérna á síðunni! En það er bara ekki annað hægt núna, svei mér þá.
Nú stendur yfir íbúðaleit hjá okkur en þar sem útskrift er ráðgerð hjá mér í febrúar þá fáum við víst ekki að búa hér lengur en aðeins fram yfir það. Það er hins vegar ekkert grín að leita sér að íbúð þessa dagana. Sérstaklega þar sem kröfur okkar eru meiri en venjulega af illri nauðsyn: Ekki of margar tröppur, ekki of lágt brunabótamat, helst ekki úti í rassgati, þvottavél á sömu hæð o.s.frv... Það er því eins gott að byrja bara að leita strax svo að við lendum ekki á götunni með vorinu.
Annars er mikil rólegheitahelgi framundan. Pastasalat hjá pastasalatmeistaranum í kvöld (það er hún Anna Katrín ef þið föttuðuð þetta ekki...) og svo verður maður líklega angandi af hvítlauk það sem eftir er helgar. Skoða eins og eina íbúð á morgun og svo bara vídeó og leti.
28.10.05
24.10.05
Mánudagur
Þá er Airwaves lokið og við tekur veturinn. Hátíðin í ár var mjög fín fyrir utan fáránlega langar raðir inn á suma staði þannig að maður komst ekki inn til að sjá það sem maður vildi. Á laugardagskvöldið lenti ég einmitt í því en var komin að Nasa um hálftíu og þá var fimmföld röð frá húsinu að Alþingi... Þá varð bara að virkja plan b og fara í Hafnarhúsið þar sem hin frábæru Zutons voru m.a. að spila. Mjög skemmtilegt!
Nú fer afsökunum hins vegar fækkandi fyrir því að klára ekki helv... nei, ég meina frábæra verkefnið mitt. Það koma dagar, og þeir eru reyndar fleiri en hinir, þar sem ég sit með störu á skjáinn og kem engu í verk. Legg nokkra kapla, blogga pínu, les blogg hjá öðrum, legg fleiri kapla, fer á leikjasíðu á netinu (úff, stórhættulegt!) og er svo að drepast í baki og öxlum á eftir. Spurning um að taka sér bara frí kl. 14:08! Halda svo áfram á morgun...
Nú fer afsökunum hins vegar fækkandi fyrir því að klára ekki helv... nei, ég meina frábæra verkefnið mitt. Það koma dagar, og þeir eru reyndar fleiri en hinir, þar sem ég sit með störu á skjáinn og kem engu í verk. Legg nokkra kapla, blogga pínu, les blogg hjá öðrum, legg fleiri kapla, fer á leikjasíðu á netinu (úff, stórhættulegt!) og er svo að drepast í baki og öxlum á eftir. Spurning um að taka sér bara frí kl. 14:08! Halda svo áfram á morgun...
21.10.05
Loftbylgjur og kindur
Já, þeir hafa löngum verið sérstakir þessir Kjósverjar... Gott hjá þessum að uppgötva heiminn en synd hvernig fyrir þeim fór!
Airwaves airwaves airwaves airwaves... Já, það er gaman á Airwaves. Hátíðin er hálfnuð og nóg eftir. Á miðvikudaginn var ég á Nasa allt kvöldið þar sem mjög svo misjafnir listamenn komu fram en þar var óvæntastur og skemmtilegastur Hermigervill. Í gær var flakkað á milli Hafnarhússins og Þjóðleikhúskjallarans þar sem snillingurinn José González bræddi lýðinn.
Í kvöld er það svo Gaukurinn og vonandi Nasa á morgun. Það er þó eins gott að vera ekki of seint á ferðinni til að komast hreinlega inn á staðina, það eru raðir út um allt. Spurning um að fjölga annaðhvort stöðunum eða fækka miðunum...
Airwaves airwaves airwaves airwaves... Já, það er gaman á Airwaves. Hátíðin er hálfnuð og nóg eftir. Á miðvikudaginn var ég á Nasa allt kvöldið þar sem mjög svo misjafnir listamenn komu fram en þar var óvæntastur og skemmtilegastur Hermigervill. Í gær var flakkað á milli Hafnarhússins og Þjóðleikhúskjallarans þar sem snillingurinn José González bræddi lýðinn.
Í kvöld er það svo Gaukurinn og vonandi Nasa á morgun. Það er þó eins gott að vera ekki of seint á ferðinni til að komast hreinlega inn á staðina, það eru raðir út um allt. Spurning um að fjölga annaðhvort stöðunum eða fækka miðunum...
18.10.05
Feneyjar austursins
Þá er maður kominn aftur af flóðasvæðunum fyrir austan. Já, Hornafjörður var á kafi um helgina og fólk sigldi bara á bátum um bæinn. Þetta var alveg ótrúlegt! Á leiðinni austur var hins vegar yndislegt veður, allt á kafi í snjó og glampandi sól. Svo var bara allt farið í bakaleiðinni og allt orðið grátt og blautt. Þrátt fyrir mikla rigningu og leiðindaveður var Hornafjarðarferðin alveg frábær eins og venjulega og mikið borðað og drukkið og farið í heita pottinn. Svo keypti ég mér meiraðsegja nýja strigaskó á Höfn fyrir Airwaves!
Iceland Airwaves er nefnilega að byrja í vikunni. Þetta verður algjör veisla í fjóra daga og af nógu að taka. Eins og í fyrra missir maður þó alltaf af einhverju en það fylgir þessu bara. Hins vegar þekki ég voða lítið til hljómsveitanna í ár en hlakka til að sjá José González sem ég hef verið að hlusta á.
Iceland Airwaves er nefnilega að byrja í vikunni. Þetta verður algjör veisla í fjóra daga og af nógu að taka. Eins og í fyrra missir maður þó alltaf af einhverju en það fylgir þessu bara. Hins vegar þekki ég voða lítið til hljómsveitanna í ár en hlakka til að sjá José González sem ég hef verið að hlusta á.
13.10.05
7.10.05
Andlaus
Ég er gjörsamlega andlaus í sambandi við verkefnið. Ég stari á tölurnar og setningarnar og fórna höndum... Er þetta hægt?! Mig langar helst að skríða upp í rúm og horfa á sjónvarpið en get það ekki því að þá fæ ég samviskubit og get ekki einbeitt mér að því. Ekki að ég geti einbeitt mér að verkefninu heldur! Úff...
Ég fór á svo skemmtilega mynd á kvikmyndahátíð í vikunni. Þetta var heimildarmynd um George Michael, gamla uppáhaldið mitt. Salurinn var fullur af gömlum Wham aðdáendum og tók fólk andköf þegar gömlu Wham lögin voru spiluð og ekki síður þegar Andrew Ridgeley birtist á skjánum. Það var virkilega gaman að sjá myndina og margt sem maður vissi ekki um feril hans og líf. Svo er hann bara svo aðlaðandi og skemmtilegur... auðvitað!
Og guð minn góður... íslenski bachelorinn. Vá hvað það er hræðilegt að horfa á þetta en samt verður maður. Svo er hann svo klígjulegur sjálfur, ég skil gelluna vel sem sagði bara nei við rósinni. Og plebbabragurinn á þessu, vá! Úff.. þetta er bara einum of hallærislegt. Mér finnst samt að hann hefði átt að gefa frænku minni rós en hún getur kannski bara prísað sig sæla stúlkan. Og af hverju heitir þetta ekki Piparsveinninn??
Ég fór á svo skemmtilega mynd á kvikmyndahátíð í vikunni. Þetta var heimildarmynd um George Michael, gamla uppáhaldið mitt. Salurinn var fullur af gömlum Wham aðdáendum og tók fólk andköf þegar gömlu Wham lögin voru spiluð og ekki síður þegar Andrew Ridgeley birtist á skjánum. Það var virkilega gaman að sjá myndina og margt sem maður vissi ekki um feril hans og líf. Svo er hann bara svo aðlaðandi og skemmtilegur... auðvitað!
Og guð minn góður... íslenski bachelorinn. Vá hvað það er hræðilegt að horfa á þetta en samt verður maður. Svo er hann svo klígjulegur sjálfur, ég skil gelluna vel sem sagði bara nei við rósinni. Og plebbabragurinn á þessu, vá! Úff.. þetta er bara einum of hallærislegt. Mér finnst samt að hann hefði átt að gefa frænku minni rós en hún getur kannski bara prísað sig sæla stúlkan. Og af hverju heitir þetta ekki Piparsveinninn??
4.10.05
Töluvert mál - lokasprettur
Þá er komið að því að hella sér aftur í lokaverkefnið - Töluvert mál. Það er soldið erfitt að byrja aftur þar sem frá var horfið en um leið bara gaman. Verkefnið hefur verið að gerjast einhvers staðar á bakvið í kollinum á mér þannig að það er gott að geta komið þeim hugmyndum niður á blað og farið að vinna með þær. En ég hlakka líka ekkert smá til að klára þetta...
Helgin var alveg þrælfín þótt veðrið hefði mátt vera betra. Ég veiddi tvo laxa og einn sjóbirting á meðan ýmist snjóaði á mig eða rigndi. Að venju var vel tekið til matar síns, enda verður maður svangur af allri útiverunni, og var þjóðlegur matur á laugardagskvöldið: heimareykt hangikjöt, svið, reykt nautatunga, rófustappa, jafningur, grænar baunir og hveitikökur! Enda var ég svo södd eftir matinn að ég hefði getað farið beint að sofa. Það varð þó ekki raunin heldur dreif liðið sig á skemmtistað sveitarinnar, Kaffi Kjós, þar sem Eyfi sjálfur spilaði á gítarinn. Það var alveg hreint ágætt þótt hann hafi nú ekki verið sem hressastur sjálfur. Hann er ekki týpan sem spilar óskalög og þegar einhver sagði „æ, ekki vangalag“ þá sagði hann hinn fúlasti: „Ég spila bara það sem mér sýnist sama hvað hver segir!“ Svo mörg voru þau orð.
Helgin var alveg þrælfín þótt veðrið hefði mátt vera betra. Ég veiddi tvo laxa og einn sjóbirting á meðan ýmist snjóaði á mig eða rigndi. Að venju var vel tekið til matar síns, enda verður maður svangur af allri útiverunni, og var þjóðlegur matur á laugardagskvöldið: heimareykt hangikjöt, svið, reykt nautatunga, rófustappa, jafningur, grænar baunir og hveitikökur! Enda var ég svo södd eftir matinn að ég hefði getað farið beint að sofa. Það varð þó ekki raunin heldur dreif liðið sig á skemmtistað sveitarinnar, Kaffi Kjós, þar sem Eyfi sjálfur spilaði á gítarinn. Það var alveg hreint ágætt þótt hann hafi nú ekki verið sem hressastur sjálfur. Hann er ekki týpan sem spilar óskalög og þegar einhver sagði „æ, ekki vangalag“ þá sagði hann hinn fúlasti: „Ég spila bara það sem mér sýnist sama hvað hver segir!“ Svo mörg voru þau orð.
30.9.05
Veiðihelgi
Úff hvað ég er fegin að þessi vika er búin, það er búið að vera rok alla vikuna og kalt þannig að ég hef varla farið út úr húsi. Þegar maður hangir svona inni alla daga verður maður bara tuskulegur með hausverk og vöðvabólgu af tölvuhangsi. Það væri nú kannski afsakanlegt ef maður hefði verið að gera eitthvað af viti en svo er nú ekki... ég hef mest verið í spider solitaire og að taka til í iTunes!
Um helgina fæ ég þó nóg af útiveru þar sem ég er að fara að veiða í klak í Kjósinni. Það er alltaf svaka gaman, fullt af fólki, aðallega familían, að veiða og svo er að sjálfsögðu veisla að hætti ungu húsfreyjunnar á eftir. Kannski það verði lamakjöt á borðum? Mér sýnist líka spáin ekkert vera alltof slæm, a.m.k. stefnir ekki í storm um helgina. Hafið það gott!
Um helgina fæ ég þó nóg af útiveru þar sem ég er að fara að veiða í klak í Kjósinni. Það er alltaf svaka gaman, fullt af fólki, aðallega familían, að veiða og svo er að sjálfsögðu veisla að hætti ungu húsfreyjunnar á eftir. Kannski það verði lamakjöt á borðum? Mér sýnist líka spáin ekkert vera alltof slæm, a.m.k. stefnir ekki í storm um helgina. Hafið það gott!
29.9.05
28.9.05
27.9.05
Þriðjudagur
Þvílík grámygla! Ég segi ekki annað... Ég vaknaði í nótt við rokið hérna uppi og gat ekki sofið, svitnaði og kólnaði á víxl og er svo eins og tuska í dag. Ojbara. Ég nenni ekki að fara að verða veik núna. Ég verð vonandi hressari strax á morgun.
Annars leiðist mér massa mikið hérna heima, ég er eitthvað að pjakkast í orðasafninu er er samt eiginlega búin og er að bíða eftir frekari leiðbeiningum. Ég ætla ekki að byrja á verkefninu fyrr en í næstu viku held ég, ég þarf að undibúa mig andlega fyrir það þangað til...
Ég hitti annars svo sætan strák í gær, hann er rétt rúmlega tveggja vikna gamall og skeit í fanginu á mér. Mér var samt alveg sama. Ég verð nú bara að hrósa vinkonum mínum með það hversu vel hefur heppnast í þessari barnagerð. Hvert barnið öðru myndarlegra og ég er strax farin að hlakka til að hitta grislingana aftur.
Svo er ég búin að fá nokkra nýja geisladiska mér til mikillar gleði og ánægju. Það er svona að eiga afmæli og góða vini;) Ég eignaðist sem sagt disk með Caribou, nýja Sufjan Stevens diskinn og Pink Moon með snillingnum Nick Drake. Takk fyrir það!
Annars leiðist mér massa mikið hérna heima, ég er eitthvað að pjakkast í orðasafninu er er samt eiginlega búin og er að bíða eftir frekari leiðbeiningum. Ég ætla ekki að byrja á verkefninu fyrr en í næstu viku held ég, ég þarf að undibúa mig andlega fyrir það þangað til...
Ég hitti annars svo sætan strák í gær, hann er rétt rúmlega tveggja vikna gamall og skeit í fanginu á mér. Mér var samt alveg sama. Ég verð nú bara að hrósa vinkonum mínum með það hversu vel hefur heppnast í þessari barnagerð. Hvert barnið öðru myndarlegra og ég er strax farin að hlakka til að hitta grislingana aftur.
Svo er ég búin að fá nokkra nýja geisladiska mér til mikillar gleði og ánægju. Það er svona að eiga afmæli og góða vini;) Ég eignaðist sem sagt disk með Caribou, nýja Sufjan Stevens diskinn og Pink Moon með snillingnum Nick Drake. Takk fyrir það!
24.9.05
23.9.05
Heim í heiðardalinn
Mikið er gott að þurfa ekki að blogga alla ferðasöguna þar sem það er í raun búið í gegnum símann minn. Þvílík tækni! Ég er semsagt komin heim úr sólinni og það var frekar mikill munur að koma úr 30 stiga hita í 5 stig hérna - brrr.... Klukkan hálffimm um nóttina var 22 stiga hiti úti. Svo er bara 2 stiga hiti hérna núna og hálka! En nóg um það. Heimferðin gekk ljómandi vel, það var ekkert millilent og því engin seinkun og vorum við lent rétt eftir hádegið. Ég á örugglega eftir að setja inn myndir við tækifæri, ég læt vita þegar þær verða komnar inn.
Það sem við tók hérna heima fyrir utan kuldann var gríðarleg leti. Að vísu er ég búin að vera að ganga frá þvotti og taka til, svona til að gera eitthvað en ég nenni ómögulega að fara að gera eitthvað merkilegt. Enda alveg að koma helgi og þá á maður að vera í fríi... Í næstu viku ætla ég svo að klára það sem ég átti eftir í orðasafninu og svo er það bara alvaran - lokaverkefnið sjálft. Það verður gott að hella sér í það en erfitt að byrja. Ég hlakka ekkert smá til að klára það!
Svo er fullt að gera framundan, klakveiði, Hornafjarðarferð, Airwaves og Antony and the Johnsons. Mér ætti allavega ekki að leiðast á næstunni, það er víst!
Það sem við tók hérna heima fyrir utan kuldann var gríðarleg leti. Að vísu er ég búin að vera að ganga frá þvotti og taka til, svona til að gera eitthvað en ég nenni ómögulega að fara að gera eitthvað merkilegt. Enda alveg að koma helgi og þá á maður að vera í fríi... Í næstu viku ætla ég svo að klára það sem ég átti eftir í orðasafninu og svo er það bara alvaran - lokaverkefnið sjálft. Það verður gott að hella sér í það en erfitt að byrja. Ég hlakka ekkert smá til að klára það!
Svo er fullt að gera framundan, klakveiði, Hornafjarðarferð, Airwaves og Antony and the Johnsons. Mér ætti allavega ekki að leiðast á næstunni, það er víst!
22.9.05
20.9.05
19.9.05
Gerast áskrifandi að:
Færslur (Atom)
