Veiðihelgi

Úff hvað ég er fegin að þessi vika er búin, það er búið að vera rok alla vikuna og kalt þannig að ég hef varla farið út úr húsi. Þegar maður hangir svona inni alla daga verður maður bara tuskulegur með hausverk og vöðvabólgu af tölvuhangsi. Það væri nú kannski afsakanlegt ef maður hefði verið að gera eitthvað af viti en svo er nú ekki... ég hef mest verið í spider solitaire og að taka til í iTunes!

Um helgina fæ ég þó nóg af útiveru þar sem ég er að fara að veiða í klak í Kjósinni. Það er alltaf svaka gaman, fullt af fólki, aðallega familían, að veiða og svo er að sjálfsögðu veisla að hætti ungu húsfreyjunnar á eftir. Kannski það verði lamakjöt á borðum? Mér sýnist líka spáin ekkert vera alltof slæm, a.m.k. stefnir ekki í storm um helgina. Hafið það gott!