Þriðjudagur

Ég á ekki orð yfir veðrinu hérna, sól og blíða dag eftir dag - en svo spáir bara rigningu um verslunarmannahelgina... Æ, ég verð Innipúki hvort eð er þannig að veðrið skiptir ekki öllu máli fyrir mig.

Ég var í sveitinni um helgina í hreint yndislegri blíðu og fékk það verkefni að mála girðingarstaura sem var bara fínt. Mér leiðist hvort eð er að liggja bara í sólinni að gera ekki neitt! Að vanda var veislumatur á borðum og síðan var sungið við varðeld í kolagrilli fram á nótt... alveg hreint afskaplega ljúft.

Ég keypti svo Harry Potter á sunnudaginn og er hálfnuð með hana. Líst vel á, mjög spennandi eins og hinar bækurnar...

Vitið þið annars hvað það heitir sem maður þræðir beltið í gegnum á buxum?