mbl dagsins

mbl.is er fróðlegur og skemmtilegur vefur en skemmtilegast er þó þegar maður finnur fáránlegar villur í fréttunum þar. Ég veit ekki alveg hvers konar fólk fær að skrifa fréttirnar og auðvitað gerir maður oft innsláttarvillur en samt...

Í dag eru t.d. tvær skemmtilegar fréttir:

„Pitt var lagður inn á sjúkrahús skömmu eftir að hann kom heim frá Eþýópíu en þangað fór hann ásamt leikkonunni Angelinu Jolie, sem var að sækja barn sem hún ættileiddi.“

„Að minnsta kosti tveir slösuðust er strætisvagn og rúta lentu í rekstri á Túngötu við Landakot í Reykjavík klukkan 11:16 í dag.“

Oft er svona fréttum þó breytt til hins betra en svona lagað á ekki að sjást...

Annars hefur verið nóg að gera í vikunni, Finnarnir fengu geggjað veður í gær þegar við fórum túristahringinn og eru þau alveg veik í að koma aftur sem þau gera vonandi. Sveitin - enn og aftur - um helgina. Góður matur í vændum og vonandi ekki alltof mikil rigning. Þá er bara að taka innipúkann á þetta og spila eða lesa í rólegheitunum!