Jæja, mín ætlar að skella sér í útilegu um helgina - já, í tjaldi og alltsaman. Reyndar eru allir þegar farnir af stað, allflestir sem lesa þetta reyndar... en ég ætla að slást í hópinn á morgun. Það á að skella sér á Snæfellsnesið og gista á Snjófelli við Arnarstapa. Hópurinn ætlar að ganga frá Arnarstapa yfir í Ólafsvík þá leið sem nefnist Jökulháls en það vill einmitt svo vel til að hægt er að keyra þá leið líka þannig að ég ætla að bruna framhjá þreyttum göngugörpum með ííískalt gos (hehe)! Ég hef heyrt að leiðin sé mjög falleg og í veðri eins og nú er þá sé útsýnið alveg frábært. Kannski maður pakki myndavélinni með og setji nokkrar góðar hér inn eftir helgina. Bon weekend!
15.7.04
Blátt áfram
Ég vil benda ykkur á síðuna www.blattafram.is og hvetja ykkur til að smella á "Hvað get ég gert" og gera eitthvað!
14.7.04
Lög og regla
Ég hef mjög svo gaman af hvers kyns glæpasögum, jafnt í formi bóka, þátta og kvikmynda. Meðal þess sem ég get setið límd yfir í sjónvarpi eru seríurnar Law and Order á Skjá 1 (einn/einum?). Í raun eru í gangi þrjár seríur, Law and Order, Law and Order:Special Victims Unit og Law and Order:Criminal Intent.
Í gærkvöldi horfði ég á þátt úr síðastnefndu seríunni sem mér finnst síst þessara þriggja. Þar fer löggan Goran með aðalhlutverk og hann er svo ótrúlega snjall að það hálfa væri alveg nóg. Raunar er hann svo snjall að hann veit allt manna best, þekkir hverja þá lykt sem hann finnur og sér á fólki hvort það segir satt eða ekki - það væri algjör óþarfi fyrir hann að hafa nokkurn aðstoðarmann á staðnum. Aðstoðarmenn Gorans eru konur, löggan Eames er hans aðalaðstoðarmaður en núna er hún víst ófrísk þannig að það er komin ný kona í afleysingar. Ef Eames fór í taugarnar á mér þá er þessi enn meira óþolandi. Eames segir svona augljósu hlutina eins og: "Ó, það er sko fótspor á gólfinu" en þá segir Goran: "Já, þetta eru greinilega sjaldgæfir gönguskór nr. 43 sem fást aðeins í búðinni hinum megin við götuna..." Nýja stúlkan er svipuð nema er látin vera enn heimskari en Eames enda virðist Goran vera nett pirraður á henni barasta. Og svo enda allir þættirnir eins - Goran bugar glæpamanninn með orðum þannig að hann getur ekki annað en játað glæpinn...
Elsta serían er Law and Order og er þetta 15. þáttaröð hennar í sjónvarpi. Þess má geta að stundum er verið að sýna eldgamla þætti úr seríunni á Hallmark. Þar ræður ríkjum Briscoe lögreglumaður en hann virðist hafa verið í þáttunum ansi lengi, a.m.k. er hann á Hallmark þar sem verið er að sýna 5. þáttaröð. Nýir aðstoðarmenn koma þó reglulega í þættina og má m.a. nefna sjálfan Mr. Big úr Sex and the City og nú nýlega Benjamin Bratt. Lögmaðurinn Jack McCoy gegnir líka stóru hlutverki í þáttunum og eins og Briscoe virðist hann skipta reglulega um aðstoðarmenn sem iðulega eru kvenkyns.
Það sem mér finnst skemmtilegasta serían er Special Victims Unit en þar eru löggurnar einna eðlilegastar og þar fer rapparinn Ice-T með hlutverk eins þeirra. Þar eru löggurnar fjórar og allar jafnar. Saksóknarinn er svo hörkugella sem kallar ekki allt ömmu sína. Þessir þættir eru samt sýndir á þannig tímum að ég virðist alltaf missa af þeim, annaðhvort á laugardagskvöldum þegar ég horfi yfirleitt ekki á sjónvarp eða sunnudögum á sama tíma og 24!
Briscoe í kvöld... missi samt af honum.
Í gærkvöldi horfði ég á þátt úr síðastnefndu seríunni sem mér finnst síst þessara þriggja. Þar fer löggan Goran með aðalhlutverk og hann er svo ótrúlega snjall að það hálfa væri alveg nóg. Raunar er hann svo snjall að hann veit allt manna best, þekkir hverja þá lykt sem hann finnur og sér á fólki hvort það segir satt eða ekki - það væri algjör óþarfi fyrir hann að hafa nokkurn aðstoðarmann á staðnum. Aðstoðarmenn Gorans eru konur, löggan Eames er hans aðalaðstoðarmaður en núna er hún víst ófrísk þannig að það er komin ný kona í afleysingar. Ef Eames fór í taugarnar á mér þá er þessi enn meira óþolandi. Eames segir svona augljósu hlutina eins og: "Ó, það er sko fótspor á gólfinu" en þá segir Goran: "Já, þetta eru greinilega sjaldgæfir gönguskór nr. 43 sem fást aðeins í búðinni hinum megin við götuna..." Nýja stúlkan er svipuð nema er látin vera enn heimskari en Eames enda virðist Goran vera nett pirraður á henni barasta. Og svo enda allir þættirnir eins - Goran bugar glæpamanninn með orðum þannig að hann getur ekki annað en játað glæpinn...
Elsta serían er Law and Order og er þetta 15. þáttaröð hennar í sjónvarpi. Þess má geta að stundum er verið að sýna eldgamla þætti úr seríunni á Hallmark. Þar ræður ríkjum Briscoe lögreglumaður en hann virðist hafa verið í þáttunum ansi lengi, a.m.k. er hann á Hallmark þar sem verið er að sýna 5. þáttaröð. Nýir aðstoðarmenn koma þó reglulega í þættina og má m.a. nefna sjálfan Mr. Big úr Sex and the City og nú nýlega Benjamin Bratt. Lögmaðurinn Jack McCoy gegnir líka stóru hlutverki í þáttunum og eins og Briscoe virðist hann skipta reglulega um aðstoðarmenn sem iðulega eru kvenkyns.
Það sem mér finnst skemmtilegasta serían er Special Victims Unit en þar eru löggurnar einna eðlilegastar og þar fer rapparinn Ice-T með hlutverk eins þeirra. Þar eru löggurnar fjórar og allar jafnar. Saksóknarinn er svo hörkugella sem kallar ekki allt ömmu sína. Þessir þættir eru samt sýndir á þannig tímum að ég virðist alltaf missa af þeim, annaðhvort á laugardagskvöldum þegar ég horfi yfirleitt ekki á sjónvarp eða sunnudögum á sama tíma og 24!
Briscoe í kvöld... missi samt af honum.
Segir þessi frétt ykkur mikið?
Innlent| 14.7.2004 | 06:59
Tvennt tekið ölvað undir stýri í Kópavogi
Tvennt var tekið ölvað undir stýri í Kópavogi síðla nætur. Annars vegar var um að ræða ungan mann og hins vegar konu. (mbl.is)
Tvennt tekið ölvað undir stýri í Kópavogi
Tvennt var tekið ölvað undir stýri í Kópavogi síðla nætur. Annars vegar var um að ræða ungan mann og hins vegar konu. (mbl.is)
13.7.04
Kaffi...aftur
Ég er að spá í að hætta að drekka kaffi...aftur. Ég fæ mér einn bolla fyrir hádegi af rosalega góðu en mjög sterku kaffi í vinnunni og svo er ég svo upptjúnuð það sem eftir er dags og alveg fram á kvöld að ég get ekki sofnað á kvöldin! Kannski er það reyndar líka af því að ég næ mér oftast niður seinnipartinn og sofna aðeins þá en ég prófaði að drekka ekki kaffi í dag og er svei mér þá ögn þreyttari en í gærkvöldi... Sé til hvernig gengur í kvöld.
PJ pæja
Mig langar í þessa plötu... Það er alltof dýrt að kaupa sér diska hérna þannig að ég verð að bíða þess að fara til útlanda í haust:(
12.7.04
Grrr
Þetta gerist greinilega ekki bara á Íslandi... Hvað verður langt þar til hin olíufélögin fara að dæmi Esso?
Essó hækkar bensín og olíur
Olíufélagið Essó hefur ákveðið að hækka lítrann af bensíni um tvær krónur, dísilolíu um eina krónu, flotaolíu og flotadísilolíu um 1,50 krónur. Að sögn félagsins skýra hækkanir heimsmarkaðsverðs á olíu að undanförnu þesar hækkanir.
(mbl.is)
Essó hækkar bensín og olíur
Olíufélagið Essó hefur ákveðið að hækka lítrann af bensíni um tvær krónur, dísilolíu um eina krónu, flotaolíu og flotadísilolíu um 1,50 krónur. Að sögn félagsins skýra hækkanir heimsmarkaðsverðs á olíu að undanförnu þesar hækkanir.
(mbl.is)
Spiderman
Fór á Spiderman í gær, full eftirvæntingar eftir að hafa lesið góða dóma um myndina. Fimm stjörnur í Mogganum - það þýðir bara að myndin hljóti að vera meistaraverk! Jújú, myndin var skemmtileg og allt það - en fimm stjörnur? Nei, ekki alveg. Frábær mynd engu að síður og gaman að sjá hana í bíó. Fannst þetta mjög sætt samt...
Helgin að öðru leyti skemmtileg, stórfjölskyldan mætt í sveitina og ekki á hverjum degi sem við erum öll systkinin saman hjá foreldrunum þar sem ein systir mín býr hinum megin á landinu með sinni fjölskyldu. Eitt stykki pallur smíðaður og að sjálfsögðu grillað á honum um kvöldið. Margar góðar helgar framundan þar!
9.7.04
Sól sól
Sól og blíða og sveitahelgi framundan, það leggst ákaflega vel í mig. Ég ætla rétt að vona að sólin fari ekki á slaginu þrjú í dag og svo rigni alla helgina, einhvern veginn væri það svo týpískt. Þetta er líka svona dagur þar sem maður nennir ekki neinu, vill bara komast út og helst þá að klukkan sé orðin sex og ískaldur bjór í hendi...
Góða helgi!
Góða helgi!
8.7.04
Born to play
A GAME-BOY. Youre like a tomboy without the love of sports. Reality sucks, but as long as you have your electronics you feel you can cope. Time goes unnoticed when youre locked in your room hooked up to your Nintendo, rocking to your favourite collection of guitar-driven albums.
Your virtues: Intelligence, sense-of-humour, individuality.
Your flaws: Inability to cope with real life, action-freak spirit, reclusive nature.
Your Personality type is the only type that would like this cool online gothic Game:
www.life-blood.vze.com
What kind of girl are you?
brought to you by Quizilla
Tveir skautar
Einhvers staðar var ég búin að segjast ætla að blogga um tölur og fleira en lítið hefur farið fyrir tölubloggi. Dæmin sem maður sér á mbl.is eru sum hver skrautleg og ekki alveg hugsuð til enda. Sem dæmi er eftirfarandi setning:
Alls voru 136.293 manns á kjörskrá í Reykjavíkurkjördæmunum þremur og Suðvesturkjördæmi en talningu atkvæða er lokið í þeim.
Hvernig segir maður svona lagað? Níutíu og þrír/þrjú/þrenn manns?
Annað dæmi um pirrandi setningar er:
Flugið mun spara viðskiptavinum flugfélagsins allt upp í 4. klukkustundir, borið saman við flug þar sem millilent er einu sinni. Flugvélin fer yfir um 16,600 km. á ferð sinni fram og til baka en í henni eru 181. sæti og boðið upp á svefnaðstöðu á fyrsta farrými.
Hér er bæði kílómetrafjöldinn rangur (sextán komma sex hundruð), það á ekki að vera punktur á eftir km OG fjöldi sæta og fjöldi klukkustunda eiga ekki að vera með punkti - þetta myndi lesast: hundrað áttugasta og fyrsta sæti! Dæmi um setningar af þessu tagi eru nokkur og þar sem ég hef þetta inni í mínu gagnasafni ruglar þetta öllu - hjá mér eru tölur með punkti á eftir yfirleitt raðtölur.
Þá er það samt aðalvandamálið: tvær/tvennar. Maður kaupir tvenn skæri og getur unnið til fernra verðlauna en kaupir maður þá ekki eins tuttugu og tvenn skæri og vinnur til þrjátíu og fernra verðlauna? Hljómar asnalega en ætti samt að vera rétt. Fólk ruglar mikið með þetta og sá ég á fyrrnefndu mbl.is fyrirsögnina: Maður dæmdur fyrir tvennar árásir. Hálftíma seinna var svo búið að breyta því réttilega í tvær árásir. Flottast fannst mér þó þegar stúlkan í þættinum Prófíl á Popptíví kynnti að verðlaun fyrir e-n leik væru tveir skautar! Soldið hallærislegt að gefa einn skauta, er það ekki?
Alls voru 136.293 manns á kjörskrá í Reykjavíkurkjördæmunum þremur og Suðvesturkjördæmi en talningu atkvæða er lokið í þeim.
Hvernig segir maður svona lagað? Níutíu og þrír/þrjú/þrenn manns?
Annað dæmi um pirrandi setningar er:
Flugið mun spara viðskiptavinum flugfélagsins allt upp í 4. klukkustundir, borið saman við flug þar sem millilent er einu sinni. Flugvélin fer yfir um 16,600 km. á ferð sinni fram og til baka en í henni eru 181. sæti og boðið upp á svefnaðstöðu á fyrsta farrými.
Hér er bæði kílómetrafjöldinn rangur (sextán komma sex hundruð), það á ekki að vera punktur á eftir km OG fjöldi sæta og fjöldi klukkustunda eiga ekki að vera með punkti - þetta myndi lesast: hundrað áttugasta og fyrsta sæti! Dæmi um setningar af þessu tagi eru nokkur og þar sem ég hef þetta inni í mínu gagnasafni ruglar þetta öllu - hjá mér eru tölur með punkti á eftir yfirleitt raðtölur.
Þá er það samt aðalvandamálið: tvær/tvennar. Maður kaupir tvenn skæri og getur unnið til fernra verðlauna en kaupir maður þá ekki eins tuttugu og tvenn skæri og vinnur til þrjátíu og fernra verðlauna? Hljómar asnalega en ætti samt að vera rétt. Fólk ruglar mikið með þetta og sá ég á fyrrnefndu mbl.is fyrirsögnina: Maður dæmdur fyrir tvennar árásir. Hálftíma seinna var svo búið að breyta því réttilega í tvær árásir. Flottast fannst mér þó þegar stúlkan í þættinum Prófíl á Popptíví kynnti að verðlaun fyrir e-n leik væru tveir skautar! Soldið hallærislegt að gefa einn skauta, er það ekki?
6.7.04
Kaffi
Orð vikunnar hjá Orðabók Háskólans er kaffi. Ég er að spá í að byrja að drekka kaffi aftur, a.m.k. í vinnunni þar sem kaffivélin malar afar ljúffengt kaffi. Ég hef ekki getað drukkið kaffi síðan í menntaskóla en þá held ég því fram að ég hafi drukkið yfir mig af vondu kaffi á Café au lait. Verstir voru föstudagarnir þegar jafnvel var skrópað í síðasta tíma til að fá sæti á kaffihúsinu, um hálftvö. Þá pantaði maður gjarnan langloku og Pepsi og svo kaffi sem maður fékk fría áfyllingu á það sem eftir var dags. Um klukkan fimm var svo haldið á síðdegistónleika í Hinu húsinu þar sem maður skalf eftir allt koffínið við rokkmúsík. Já, þeir gömlu, góðu dagar...
5.7.04
Einn og hálfur
Einn og hálfur tími úr Grafarvogi í Vesturbæinn. Þrjú korter úr Laufengi í Spöngina (á að taka 2 mínútur). Svo frétti ég að hin leiðin hefði sennilegast verið fljótlegri. Grrr. En svo sannarlega þess virði. Tónleikarnir voru frábærir og kallarnir langt frá því að vera útbrunnir eftir 22 ár í bransanum. Enda komnir með ansi góða reynslu í þessu tónleikastússi líka. siggimus á reyndar ágætis lýsingu á spjalli söngvarans á milli laga, kannski eru þeir orðnir soldið meyrir - ég veit ekki. Lögin sem þeir tóku voru líka snilld og ekki of mikið af nýrri lögum eins og ég óttaðist. Gaman að sjá hvað Egilshöllin virkaði vel fyrir svona stórtónleika. Sviðið var 2,40 á hæð, á meðan sviðið í Laugardalshöllinni er sennilega meter lægra, þannig að maður sá alltaf eitthvað - mjög gott fyrir lágvaxið fólk! Eina klúðrið var að hvergi var auglýst að ekki mætti koma með töskur inn í Höllina þannig að skellt var upp töskugeymslu í einum gámi fyrir utan og fyrir 200 kr. gastu geymst töskuna þar og reynt svo að ná í hana eftir tónleikana ásamt hinum nokkur þúsundunum sem ætluðu sér það sama! Sem betur fer var Svala svo sniðug að hlaupa með okkar dót alla leið upp í bíl þannig að við komumst beint í bílinn eftir tónleikana.
Niðurstaða: Einir allra bestu tónleikar sem ég hef farið á!
En heldur Lars virkilega að við lítum upp til Dana???
Niðurstaða: Einir allra bestu tónleikar sem ég hef farið á!
En heldur Lars virkilega að við lítum upp til Dana???
4.7.04
Upphitun
Þá er það upphitun fyrir tónleikana í kvöld. Ég sit við tölvuna með Metallicu í eyrunum og æfi hálsinn fyrir flösuþeytingar og svitaslettur. Einna hrifnust er ég af fyrstu plötum sveitarinnar, þá helst Master of Puppets sem ég hef einna mest hlustað á og svo And Justice for All, Kill´Em All og Ride the Lightning. Svo er það auðvitað svarta platan sem sló í gegn á sínum tíma. Ég hef ekki hlustað á það sem á eftir kom og hef ekki verið hrifin af því litla sem ég hef heyrt. Reyndar er mikill kraftur í nýjustu plötunni þeirra en ég þyrfti að renna henni í gegn í dag svo ég þekki nú fleiri lög í kvöld. Hlakka líka til að sjá Mínus spila í kvöld, hef ekki séð þá síðan þeir gáfu út sína fyrstu plötu held ég. Gaman gaman...
2.7.04
Gerast áskrifandi að:
Færslur (Atom)
