Lýður fer að versla

Dæmigert þegar maður ætlar að kaupa sér e-ð ákveðið en endar uppi með allt annað! Ætlaði aldeilis að kaupa mér flík fyrir útskriftina en endaði á því að kaupa grænar kvartbuxur (sem reyndar passa mér á síddina...)! Ef ég hefði líka unnið í lottóinu eins og Lýður þá væri þetta ekkert mál en svo er víst ekki.

Við erum annars þessa dagana að skoða íbúðir - eða að reyna það. Ekki er nú mikið úrval af fínum íbúðum á fínu verði í fínum hverfum. Þá er ég ekki endilega að tala um einbýli á Seltjarnarnesi heldur bara fína 3 herbergja íbúð sem kostar ekki alveg 20 milljónir! Svo þegar e-ð spennandi kemur inn þá fer það strax. Óþolandi!